Jio Ture 5G : Airtel नंतर Jio ने 5G सेवेची (5G service) घोषणा केली आहे. दसऱ्याच्या (Dussehra) मुहूर्तावर तुम्ही Jio True 5G सेवा वापरण्यास सक्षम असाल. सुरुवातीला, कंपनी दिल्ली (Delhi) , वाराणसी (Varanasi) , मुंबई (Mumbai) आणि कोलकाता (Kolkata) येथे आपली सेवा सुरु करणार आहे.
उद्या म्हणजेच 5 ऑक्टोबरपासून तुम्ही या शहरांमध्ये राहत असाल तर तुम्हाला 5G सेवा वापरता येईल. यानिमित्त कंपनीने वेलकम ऑफरही जारी केली आहे. वेलकम ऑफर अंतर्गत, कंपनी ग्राहकांना 5G सेवेचा अनुभव घेण्याची संधी देत आहे.
जिओचे म्हणणे आहे की यूजर्स सेवा अनुभव करून त्यांचा अभिप्राय देऊ शकतात, ज्यामुळे त्यांना सेवा आणखी सुधारण्यास मदत होईल. आम्ही तुम्हाला सांगतो की उद्यापासून सर्व 5G हँडसेट यूजर्सना JIO 5G मिळणार नाही, सध्या कंपनीने ते इन्वाइट बेस्ड ठेवले आहे. 5G साठी आमंत्रण फक्त 5G हँडसेट यूजर्ससाठी उपलब्ध असेल, परंतु कंपनी किती यूजर्सना आमंत्रण पाठवेल हे स्पष्ट नाही. कंपनीने याबाबत काहीही सांगितलेले नाही.
1Gbps स्पीड मिळेल
जिओची सेवा स्टँड अलोन आर्किटेक्चरवर काम करेल. यामध्ये यूजर्सना अॅडव्हान्स 5G नेटवर्क मिळेल. तसेच, तुम्हाला जुन्या 4G नेटवर्कवर अवलंबून राहावे लागणार नाही. यामध्ये, यूजर्सना लो-लेटन्सी, मशीन-टू-मशीन कम्युनिकेशन, 5G व्हॉईस, एज कंप्युटिंग आणि नेटवर्क स्लाइसिंग सारखी फंक्शन्स मिळतील.
कंपनी 700 MHz, 3500 MHz आणि 26 GHz बँडवर सेवा देईल. जिओ ही एकमेव कंपनी आहे जी 700 मेगाहर्ट्झच्या बँडवर 5G सेवा पुरवते. यामुळे तुम्हाला चांगले नेटवर्क कव्हरेज मिळण्याची अपेक्षा आहे. यासोबतच कंपनी वेलकम ऑफरही देत आहे. या ऑफर अंतर्गत, ग्राहकांना 1 Gbps + च्या वेगाने अमर्यादित 5G डेटा मिळेल. कंपनी लवकरच इतर बीटा ट्रायल शहरांची यादी जाहीर करू शकते.
बीटा टेस्टिंगचा फायदा
जोपर्यंत कंपनी त्या शहरातील नेटवर्क कव्हरेज पूर्ण करत नाही तोपर्यंत वापरकर्ते बीटा टेस्टिंग वापरू शकतात. त्याचबरोबर कंपनी यासाठी लोकांना आमंत्रणही पाठवेल. म्हणजेच याचा लाभ सर्वांनाच मिळणार नाही. तथापि, बहुतेक वापरकर्त्यांना याचा लाभ मिळेल, ज्यांच्याकडे 5G समर्थित 5G फोन आहे आणि ते सक्षम क्षेत्रात राहतात.
यासाठी वापरकर्त्यांना नवीन सिम किंवा नवीन स्मार्टफोनची गरज भासणार नाही. होय, त्यांना नक्कीच 5G स्मार्टफोनची आवश्यकता असेल. कंपनीने अद्याप या योजनांचा खुलासा केलेला नाही. मुकेश अंबानी यांनी 5G सेवा लॉन्च प्रसंगी माहिती दिली होती की ही सेवा परवडणारी असेल.
