JioMart : तंत्रज्ञान कंपनी मेटा (Technology company Meta) आणि जिओ प्लॅटफॉर्मने (Jio Platforms) सोशल मीडिया (social media) प्लॅटफॉर्म WhatsApp वर JioMart लाँच करण्यासाठी हातमिळवणी केली आहे.
या भागीदारीमुळे रिलायन्स रिटेलचे (Reliance Retail) ग्राहक (customers) व्हॉट्सअॅपवर किराणा सामान ऑर्डर करू शकतील.
ऑनलाइन खरेदीदारांसाठी नवीन अनुभव
या संदर्भात जारी केलेल्या संयुक्त निवेदनानुसार, WhatsApp वर JioMart ऑनलाइन खरेदीदारांना JioMart च्या किराणा मालाच्या यादीशी जोडेल. ग्राहक या यादीतील वस्तू ‘कार्ट’मध्ये टाकून पैसे देऊन खरेदी करू शकतात.
नवीन भागीदारीसाठी उत्साहित – मार्क झुकरबर्ग
रिलायन्स इंडस्ट्रीजच्या 45 व्या सर्वसाधारण सभेत (AGM) ईशा अंबानी (Isha Ambani) यांनी व्हॉट्सअॅप वापरून ऑनलाइन किराणा ऑर्डरिंग आणि पेमेंट यावर सादरीकरण केले.
मेटाचे संस्थापक आणि सीईओ मार्क झुकरबर्ग (Mark Zuckerberg) यांनी फेसबुक (Facebook) पोस्टमध्ये म्हटले आहे की, “भारतात JioMart सोबत आमची भागीदारी सुरू करण्यास उत्सुक आहे.
WhatsApp वर आमचा हा पहिला ‘एंड-टू-एंड शॉपिंग’ अनुभव आहे. यासह, लोक आता थेट जिओमार्ट वरून चॅटमध्ये किराणा सामान ऑर्डर करू शकतात.
मुकेश अंबानी यांनी ही प्रतिक्रिया दिली
रिलायन्स इंडस्ट्रीजचे अध्यक्ष आणि व्यवस्थापकीय संचालक मुकेश अंबानी (Mukesh Ambani) म्हणाले, “आमची दृष्टी भारताला जगातील आघाडीची डिजिटल समाज म्हणून पुढे नेण्याचे आहे.”
ईशा अंबानीला रिलायन्स ग्रुपच्या रिटेल व्यवसायाची जबाबदारी देण्यात आली आहे. ईशाने पिरामल ग्रुपच्या (Piramal Group) आनंद पिरामलसोबत (Anand Piramal) लग्न केले आहे.
