LIC Jeevan Umang Policy : अनेकजण लाइफ इन्शुरन्स कॉर्पोरेशन ऑफ इंडियामध्ये (Life Insurance Corporation of India) गुंतवणूक करतात. एलआयसी (LIC) ही देशातील सगळ्यात मोठी विमा कंपनी (Insurance company) आहे.
आपल्या ग्राहकांसाठी एलआयसी सतत नवनवीन पॉलिसी (LIC policy) आणत असते. अशीच एक पॉलिसी एलआयसीने आणली आहे. जीवन उमंग पॉलिसी (Jeevan Umang Policy) असे या पॉलिसीचे नाव आहे.
ही योजना खरेदी करून, तुम्हाला 100 वर्षांसाठी जीवन विमा संरक्षण (Life insurance coverage) मिळते. एलआयसी जीवन उमंग पॉलिसीच्या मुदतपूर्तीनंतर, पॉलिसीधारकाच्या खात्यात दरवर्षी ठराविक रक्कम येते.
जर दुर्दैवाने पॉलिसीधारकाचा मृत्यू झाला. या प्रकरणात, संपूर्ण रक्कम नामनिर्देशित व्यक्तीला एकरकमी दिली जाते. LIC चा हा प्लॅन फक्त 90 दिवस ते 55 वर्षे वयोगटातील लोकच खरेदी करू शकतात.
LIC च्या या योजनेत तुम्ही 15, 20, 25 किंवा 30 वर्षांसाठी गुंतवणूक करू शकता. तुमचे वय 26 वर्षे असल्यास आणि तुम्ही या योजनेत 4.5 लाख रुपयांच्या विमा संरक्षणासाठी अर्ज करत असल्यास तुम्हाला दरमहा 1350 रुपये गुंतवावे लागतील. तुम्हाला एलआयसीच्या जीवन उमंग योजनेत गुंतवणूक करण्यासाठी दररोज 45 रुपये वाचवावे लागतील.
एका वर्षात तुमचा एकूण प्रीमियम रु. 15,882 असेल. त्याच वेळी, 30 वर्षांनंतर, तुमच्या प्रीमियमचे मूल्य 4,76,460 रुपये होईल. 30 वर्षे सतत प्रीमियम भरल्यानंतर, पुढील 31 व्या वर्षापासून, तुम्हाला दरवर्षी 36,000 रुपये परतावा मिळणे सुरू होईल.
