Lifestyle News : गेल्या दोन वर्षात कोरोनाच्या (Corona) महामारीमुळे जगात एक मोठे संकट तयार झाले होते. यातून वाचण्यासाठी सर्वजण वेगवगळ्या उपाययोजना करत होते. मात्र या विषाणूची तीव्रता पाहता सर्वजण घाबरून गेले होते.
तसेच दोन वर्षांहून अधिक काळ लोटल्यानंतरही कोरोनाचा धोका कमी झालेला नाही. जसजसा वेळ जात आहे, तसतसे कोरोनाचे अनेक नवीन प्रकार समोर येत आहेत.
अलीकडेच, विषाणूचे स्वरूप समजून घेण्याच्या प्रयत्नात, वैज्ञानिकांनी (scientists) एक अभ्यास (Study) केला आहे, ज्यामध्ये असे आढळून आले आहे की एखाद्या व्यक्तीचे नखे पाहून देखील हे कळू शकते की एखाद्या व्यक्तीला कोरोना होण्याचा धोका किती आहे. या अभ्यासातून असे समोर आले आहे की, एखाद्या व्यक्तीच्या केवळ नखेच नव्हे तर बोटांच्या आकारावरूनही त्याला कोरोनाचा धोका किती आहे हे कळते.
अभ्यासात या गोष्टी समोर आल्या
सायंटिफिक रिपोर्ट्स जर्नलमध्ये (Journal of Scientific Reports) प्रकाशित झालेल्या या अभ्यासात असे सूचित करण्यात आले आहे की ज्या लोकांची अनामिका तर्जनीपेक्षा लहान आहे त्यांना गंभीर कोविड-19 चा धोका जास्त असू शकतो.
ब्रिटनमधील स्वानसी युनिव्हर्सिटी, पोलंडमधील मेडिकल युनिव्हर्सिटी ऑफ ओड आणि स्वीडनमधील कॅरोलिंस्का युनिव्हर्सिटी हॉस्पिटलमधील संशोधकांच्या चमूने कोविड-19 ची लागण झाल्यावर एखाद्या व्यक्तीच्या संप्रेरकांची पातळी (प्रामुख्याने टेस्टोस्टेरॉन) कशी वाढते हे समजून घेण्यासाठी अभ्यास केला.
अभ्यासाच्या निष्कर्षावरून असे दिसून आले आहे की लहान अनामिका असलेल्या लोकांना गंभीर कोविड रोग आणि त्याच्या लक्षणांमुळे रुग्णालयात दाखल होण्याची शक्यता असते. याशिवाय, अभ्यासात असेही आढळून आले की ज्या लोकांच्या उजव्या आणि डाव्या हाताच्या बोटांमध्ये मोठे अंतर आहे त्यांच्यामध्येही विषाणूची गंभीर लक्षणे दिसून आली आहेत.
अभ्यास कसा झाला?
या चाचणीसाठी, शास्त्रज्ञांनी एखाद्या व्यक्तीच्या बोटांच्या लांबीचे परीक्षण करून संप्रेरक पातळी मोजण्यासाठी मागील अभ्यासांचे देखील मूल्यांकन केले. या अभ्यासानुसार, लांब अनामिका असणे हे गर्भाच्या वाढीदरम्यान उच्च वृषणात तयार होणारे लैंगिक वैशिष्ट्यांचे वाढ करणारे संप्रेरक पातळीचे लक्षण आहे, तर तर्जनी लांब असणे हे उच्च इस्ट्रोजेन पातळीचे लक्षण आहे.
संशोधकांचा असा विश्वास आहे की टेस्टोस्टेरॉन आणि कोविड-19 ची तीव्रता यांच्यात संबंध असू शकतो. याचे कारण म्हणजे वृद्ध पुरुषांमध्ये कोरोनाची गंभीर लक्षणे दिसण्याची शक्यता जास्त असते.
याव्यतिरिक्त, संशोधकांनी १५४ सहभागींना एकत्र केले आणि त्यांच्या हाताच्या बोटांची लांबी मोजली.सहभागींपैकी ५४ लोकांना कोविड-19 ची लागण झाली होती.
सरतेशेवटी, त्यांना आढळले की त्यांच्या दुसऱ्या आणि चौथ्या बोटांमध्ये तसेच त्यांच्या तिसऱ्या आणि पाचव्या बोटांमधील मोठ्या आकाराचे गुणोत्तर असलेल्या लोकांना इतरांपेक्षा गंभीर कोरोनाव्हायरसचा त्रास होण्याची शक्यता जास्त असते.
याचा सरळ अर्थ असा आहे की पुरुष आणि स्त्रिया दोघांमध्ये कमी टेस्टोस्टेरॉन आणि उच्च इस्ट्रोजनमुळे त्यांना गंभीर कोरोना विषाणू संसर्गाचा धोका असतो.
