Lifestyle News : काही वेळा अशा गोष्टी घडत असतात की त्यावर विश्वासही बसत नाही. अशीच एक घटना एका महिलेसोबत (Women) घडली आहे. त्यानंतर तिलाही आश्चर्याचा धक्का (Surprise shock) बसला आहे. तसेच तुम्हालाही हे ऐकून आश्चर्य वाटेल.
एका ब्रिटीश महिलेने (British Women) असा खुलासा केला आहे की तिला तिच्या दुसऱ्या मुलाच्या जन्मापर्यंत तिच्या गर्भधारणेची (Pregnancy) अजिबात कल्पना नव्हती. एमा फिट्झसिमॉन्स (Emma Fitzsimons) असे या महिलेचे नाव असून तिने पोटदुखीच्या तक्रारीनंतर मंगळवारी पोर्ट मॅक्वेरी हॉस्पिटल गाठले.
तेव्हा रुग्णालयातील डॉक्टरांनी तिला सांगितले की तिला पोटदुखीचा त्रास नसून प्रसूती वेदना होत आहेत. हे ऐकून महिला स्तब्ध झाली आणि त्यांनी डॉक्टरांना पुन्हा तपासण्यास सांगितले.
एम्माने दोन वर्षांपूर्वी मुलगा विल्यमला जन्म दिला.
एमाच्या या विचित्र गरोदरपणात तिचा जोडीदार आरोनने तिला साथ दिली आणि दोघांनी मिळून त्यांची मुलगी विल्यम रोज या जगात स्वागत केले. एम्मा तिच्या दोन्ही गर्भधारणेबद्दल म्हणाली,
“मला विल्यम (मुलगा) बद्दल गरोदरपणाच्या 11 व्या आठवड्यात कळले आणि मी 22 व्या आठवड्यापर्यंत दररोज आजारी पडायचे त्यामुळे ही एक वेगळीच भावना होती.
एम्मा म्हणाली, डॉक्टर म्हणतात की मला दुसऱ्या गर्भधारणेबद्दल माहिती मिळू शकली नाही कारण असे असू शकते की गर्भात मूल नेहमी पाठीवर बसलेले असते आणि प्लेसेंटा त्याच्या समोर असते. त्यामुळे मला त्याची कोणतीही हालचाल जाणवली नाही.
एम्माने सांगितले की, ती गरोदरपणातही जुने कपडे घालायची. ना तिचे वजन वाढले होते ना तिच्या फिगरमध्ये काही बदल झाला होता. काही अभ्यासांनी असा अंदाज लावला आहे की 400 किंवा 500 पैकी एक महिला जेव्हा त्यांच्या गर्भधारणेच्या 20 व्या आठवड्यात असेल तेव्हा त्यांची गर्भधारणा दिसून येईल.
ज्या महिलांना मासिक पाळी वेळेवर येत नाही, ज्या स्त्रिया लठ्ठपणाने त्रस्त आहेत किंवा ज्या महिला मानसिक आजारांनी त्रस्त आहेत, त्यांना प्रसूती वेदना होतात पण त्यांना त्यांच्या गर्भधारणेबद्दल माहिती नसते, असे डॉक्टरांचे म्हणणे आहे.
