Nitin Gadkari : देशात पेट्रोल (Petrol) आणि डिझेलच्या (Disel) किमती गगनाला भिडल्या आहेत. त्यामुळे सर्वसामान्य लोकांचे आर्थिक बजेट कोलमडले आहे. सर्वसामान्य लोकांना महागाईला सामोरे जावे लागत आहे. मात्र केंद्रीय मंत्री (Union Minister) नितीन गडकरी यांनी पेट्रोल बाबत मोठे वक्तव्य केले आहे.
पेट्रोल आणि डिझेलच्या वाढत्या किमतीच्या पार्श्वभूमीवर शुक्रवारी केंद्रीय मंत्री नितीन गडकरी यांचे मोठे वक्तव्य समोर आले आहे. येत्या पाच वर्षांत देशात पेट्रोल संपेल, असे केंद्रीय वाहतूक, रस्ते वाहतूक आणि महामार्ग मंत्री नितीन गडकरी यांनी सांगितले.
त्यांच्या या विधानाचा संबंध वाहनांमुळे होणारे प्रदूषण आणि इलेक्ट्रिक वाहनांच्या भविष्याशी जोडला जात आहे. वास्तविक, सरकार सतत इलेक्ट्रिक वाहनांना प्रोत्साहन देत आहे.
नितीन गडकरी दीक्षांत समारंभात बोलत होते
महाराष्ट्रातील अकोला येथील डॉ.पंजाबराव देशमुख कृषी विद्यापीठाच्या दीक्षांत समारंभात केंद्रीय मंत्री नितीन गडकरी बोलत होते. यावेळी त्यांना विद्यापीठातर्फे ‘डॉक्टर ऑफ सायन्स’ ही पदवी देऊन सन्मानित करण्यात आले. पेट्रोलच्या पर्यायाबाबत बोलताना केंद्रीय मंत्री म्हणाले की, विदर्भात बनवलेले बायो इथेनॉल वाहनांमध्ये वापरले जात आहे.
अन्नदाता बनण्याऐवजी शेतकरी बना
विहिरीच्या पाण्यातून ग्रीन हायड्रोजन (Green hydrogen) तयार करता येतो, असेही त्यांनी सांगितले. त्याची किंमत 70 रुपये प्रति किलोपर्यंत असू शकते. शेतकऱ्यांवर लक्ष केंद्रित करून ते म्हणाले की, शेतात गहू, तांदूळ, मका उत्पादन करून भविष्य बदलता येणार नाही. त्यामुळे शेतकऱ्यांनी अन्नदाता बनण्याऐवजी ऊर्जा दाता बनण्याची गरज आहे.
गडकरी म्हणाले की, येत्या पाच वर्षांत देशात पेट्रोल संपेल. त्यांनी सांगितले की इथेनॉलवर घेतलेल्या निर्णयामुळे देशाचे वार्षिक 20,000 कोटी रुपये वाचले. तो दिवस दूर नाही जेव्हा दुचाकी आणि चारचाकी गाड्या ग्रीन हायड्रोजन, इथेनॉल आणि सीएनजीवर धावतील.
