NZ vs IND: आज झालेल्या पहिल्या एकदिवसीय सामन्यात भारताचा यजमान न्यूझीलंडने सात गडी राखून पराभव केला आहे. भारतीय संघाने प्रथम फलंदाजी करताना यजमान न्यूझीलंडला 307 धावांचे लक्ष्य दिले होते.
या लक्षाचा पाठलाग करताना यजमान न्यूझीलंडला पहिला धक्का शार्दुल ठाकूरने दिला. शार्दुलने सलामीची भागीदारी मोडून काढत टीम इंडियाला सामन्यात पुनरागमन करण्याची एक मोठी संधी दिली होती मात्र कोणाला माहिती होते ‘लॉर्ड शार्दुल’ सामन्याचा खलनायक ठरणार आहे. तीन सामन्यांच्या मालिकेत आता न्यूझीलंडकडे 1-0 अशी आघाडी आहे. भारताला मालिकेत टिकायचे असेल तर 27 नोव्हेंबरला होणारा पुढील सामना कोणत्याही किंमतीवर जिंकावा लागेल.
एका षटकात 25 धावा लुटल्या
न्यूझीलंडची धावसंख्या 39 षटकात 216/3 होती. यजमान फक्त 5.53 च्या सरासरीने धावा करत होते, परंतु आवश्यक धावगती 8.27 होती. इथून यजमानांना 11 षटकांत 91 धावांची गरज होती. कर्णधार शिखर धवनने 40 वे षटक शार्दुल ठाकूरला दिले आणि इथून संपूर्ण सामनाच उलटला.शार्दुल ठाकूरला स्वतःचीच लाज वाटत असावी. 6,1w,4,4,4,4,1w,1 अशी या षटकाची अट होती. म्हणजे 6 चेंडूंऐवजी 8 चेंडू ओव्हर आणि त्यात 25 धावा. शार्दुल ठाकूरने नऊ षटकांत 63 धावा दिल्या.
यष्टिरक्षक फलंदाज टॉम लॅथमने 104 चेंडूत नाबाद 145 धावांची आक्रमक शतकी खेळी खेळली. कर्णधार केन विल्यमसनने फलंदाजी करताना नाबाद 94 धावा केल्या. भारताकडून पदार्पण करणाऱ्या उमरान मलिकने दोन गडी बाद केले.
आता या पराभवासाठी चाहते शार्दुल ठाकूरला जबाबदार धरत आहेत कारण तो क्षेत्ररक्षणाबरोबरच गोलंदाजीतही सुस्त होता. सोशल मीडियावर त्याला ट्रोल केले जात आहे. विविध मीम शेअर केले जात आहेत.
हे पण वाचा :- Mobile Tips: स्मार्टफोन पाण्यात पडला तर पटकन करा ‘हे’ काम ; नाहीतर बसणार मोठा आर्थिक फटका
