Ola S1 Pro : देशात इंधनाचे दर अस्थिर असताना लोक इलेक्ट्रिक वाहनांकडे वळले आहेत. मोठमोठ्या कंपन्या इलेक्ट्रिक वाहने बाजारात लॉन्च करत आहेत. यादरम्यान प्रवासादरम्यान लोकांना इलेक्ट्रिक वाहने अधिक परवडत आहेत.
जर तुम्हीही इलेक्ट्रिक स्कूटर खरेदीच्या विचारात असाल तर तुमच्यासाठी चांगली संधी आहे. कारण ओला इलेक्ट्रिकने आपल्या ओला एस1 प्रो इलेक्ट्रिक स्कूटरवर ऑफर आणल्या आहेत, ज्यामध्ये ग्राहकांना शून्य डाउन पेमेंटसह स्कूटर घरी घेऊन जाण्याची संधी मिळत आहे.
याचा अर्थ असा आहे की स्कूटर घेताना ग्राहकाला पैसे द्यावे लागत नाहीत, तो स्कूटरची संपूर्ण किंमत फायनान्स करू शकतो. एवढेच नाही तर ओला इलेक्ट्रिककडून स्कूटरवर आणखीही अनेक ऑफर्स दिल्या जात आहेत.
10 हजार रुपये सूट
‘डिसेंबर टू रिमेंबर’ योजनेअंतर्गत, ओला इलेक्ट्रिक डिसेंबर महिन्यात Ola S1 Pro इलेक्ट्रिक स्कूटरवर 10,000 रुपयांची सूट देखील देत आहे. त्याची किंमत 1.30 लाख रुपये (एक्स-शोरूम) आहे. यावर तुम्हाला 10 हजार रुपयांची सूट मिळेल.
कमी EMI आणि व्याज दर
शून्य डाउन पेमेंट आणि 10,000 रुपयांची सूट याशिवाय, कंपनी कमी EMI आणि कमी व्याजदरासह कर्ज देखील देत आहे. त्याचा ईएमआय फक्त 2,499 रुपयांपासून सुरू होत आहे तर व्याजदर 8.99 टक्क्यांपासून सुरू होत आहे.
क्रेडिट कार्ड EMI वर 5 टक्के सूट
जर एखाद्या व्यक्तीला क्रेडिट कार्डद्वारे ईएमआयवर स्कूटर घ्यायची असेल तर त्याला 5 टक्क्यांपर्यंत अतिरिक्त सूट मिळू शकते. तथापि, ही ऑफर केवळ निवडक क्रेडिट कार्डांवर उपलब्ध आहे.
शून्य प्रक्रिया शुल्क ऑफर
ओला इलेक्ट्रिककडून कर्जावर शून्य प्रक्रिया शुल्क ऑफर दिली जात आहे. म्हणजेच, कर्ज घेण्यासाठी, व्यक्तीला प्रक्रिया शुल्क म्हणून कोणतीही रक्कम देण्याची आवश्यकता नाही.
