PAN Card : पॅन कार्ड हे सध्या प्रत्येक आर्थिक कामासाठी महत्त्वाचे आहे. जर तुमच्याकडे पॅन कार्ड नसेल तर तुम्हाला अनेक अडचणींना सामोरे जावे लागते. कर भरण्याबरोबरच बँक खात्यांशी निगडित कामांमध्ये त्याची गरज पडते. तसेच तुमच्या आर्थिक व्यवहारांसाठी आणि त्याच्या नोंदीसाठी हे खूप महत्त्वाचे आहे.
तुम्ही वापरत असणाऱ्या पॅन कार्डमध्ये एक खासियत असते. ज्याची बऱ्याच जणांना माहिती नसते. पॅन कार्ड हा 10 अल्फान्यूमेरिक नंबर आहे. या संख्यांचा अर्थ काय आहे? असा प्रश्न तुम्हाला कधी पडला आहे का? कायम खाते क्रमांक म्हणजे कोणत्याही व्यक्तीचा पॅन क्रमांक दोनवेळा बनवता येत नाही.
हे लक्षात ठेवा की पॅन कार्डमध्ये छापण्यात आलेला क्रमांक एकच असू शकतो, तो सतत बदलता येत नाही. आयकर विभाग पॅन क्रमांक देण्यासाठी एक विशेष प्रक्रिया अवलंबत असतो. ज्या अंतर्गत तुम्हाला 10 अंकी क्रमांक देण्यात येतो.
या 10 अंकी पॅनमध्ये अक्षरे आणि संख्या यांचे मिश्रण करण्यात आलेले असते. पॅन कार्डमधील पहिले ५ अक्षरे असून पुढील 4 वर्ण संख्या असतात आणि शेवटी एक अक्षर येते. त्यामुळे या 10 क्रमांकांमध्ये कोणती माहिती लपून बसली आहे हे पाहणे महत्त्वाचे ठरते.
10 वर्णांचा अर्थ काय? जाणून घ्या
जर तुम्ही तुमचे पॅनकार्ड काळजीपूर्वक पाहिले असल्यास तुम्हाला समजून जाईल की पॅन कार्डचे पहिले तीन वर्ण वर्णमालेतील आहेत. आयकर विभागाच्या नजरेत तुम्ही काय आहात हे पॅन कार्डच्या चौथ्या अक्षरावरून समजून जाते.
पहिले 3 वर्ण
पॅनवरील पहिले 3 वर्ण वर्णमाला मालिकेच्या स्वरूपात दिलेले असतात, जे AAA ते ZZZ या स्वरूपात असू शकतात.
चौथा वर्ण
पॅन कार्डवरील चौथा वर्ण खूप महत्त्वाचा आहे.
पी – एकल व्यक्ती
F- फर्म
C -कंपनी
A- AOP (व्यक्तींची संघटना)
T- ट्रस्ट
H- HUF (हिंदू अविभक्त कुटुंब)
B- BOI (बॉडी ऑफ इंडिविजुअल)
L-स्थानिक
J-कृत्रिम न्यायिक व्यक्ती
G- सरकारसाठी
5 वा वर्ण
पॅन कार्ड क्रमांकाचा पाचवा वर्ण हा वर्णमाला असून हा अंक पॅन कार्डधारकाच्या आडनावाचे पहिले अक्षर असते.
शेवटचे 4 वर्ण
यानंतर पॅन कार्डमध्ये 4 क्रमांक असून हे आकडे 0001 ते 9999 पर्यंत काहीही असण्याची शक्यता असते. जे तुमच्या पॅन कार्डचे हे क्रमांक आयकर विभागात सध्या सुरू असणाऱ्या मालिकेचे प्रतिनिधित्व करत असतात.
शेवटचा क्रमांक
PAN चा शेवटचा अंक हा वर्णमालानुसार चेक अंक असून जो कोणतेही अक्षर असण्याची शक्यता असते.
