Indian Railways : रेल्वेने प्रवास करणाऱ्यांसाठी महत्वाची बातमी आहे. कारण IRCTC ने ऑनलाईन तिकीट बुकिंग सेवेमध्ये काही बदल केले आहेत. त्यामुळे जर तुम्ही ऑनलाईन तिकीट बुकिंग करणार असाल तर एकदा IRCTC चे नवे नियम जाणून घ्या.
आजकाल, ट्रेनमधून प्रवास करणारे बहुतेक प्रवासी आयआरसीटीसीच्या वेबसाइट किंवा अॅपद्वारे ऑनलाइन बुकिंग करतात. पण तुम्हाला आठवत आहे का की तुम्ही शेवटच्या वेळी ट्रेनचे तिकीट कधी ऑनलाइन बुक केले होते? आठवत नसेल तर ही बातमी काळजीपूर्वक वाचा.
2022 मध्ये जारी केलेल्या आकडेवारीनुसार, IRCTC चे 30 दशलक्ष नोंदणीकृत (3 कोटी) वापरकर्ते आहेत. अशा परिस्थितीत, प्रत्येकासाठी IRCTC ने केलेल्या बदलांबद्दल जाणून घेणे महत्वाचे आहे.
40 लाख वापरकर्त्ये करू शकणार नाहीत हे काम
कोविड-19 महारीनंतर गाड्या चालवल्यानंतर आयआरसीटीसीने अॅप आणि वेबसाइटद्वारे तिकीट बुक करण्याचे नियम बदलले होते. नवीन नियमानुसार, वापरकर्त्यांना तिकीट बुक करण्यापूर्वी त्यांचे खाते सत्यापित करणे आवश्यक होते.
परंतु सुमारे 40 लाख युजर्सनी अद्याप त्यांचे खाते सत्यापित केलेले नाही. खाते सत्यापित न करणारे वापरकर्ते भविष्यात ऑनलाइन तिकीट बुक करू शकणार नाहीत.
सत्यापन प्रक्रिया पूर्ण करा
आयआरसीटीसीने जारी केलेल्या नियमानुसार, ऑनलाइन तिकीट बुक करण्यापूर्वी वापरकर्त्यांना मोबाइल नंबर आणि ई-मेल आयडी सत्यापित करणे आवश्यक आहे.
IRCTC ने केलेला बदल ज्या प्रवाशांनी कोविड-19 महामारी सुरू झाल्यानंतर काही महिन्यांपासून वेबसाइट किंवा अॅपद्वारे तिकीट बुक केले नाही त्यांच्यासाठी लागू होईल.
तुम्ही अद्याप तुमचे खाते सत्यापित केले नसल्यास, सत्यापन प्रक्रिया लवकरच पूर्ण करा. हे पूर्ण केल्यानंतर, तुम्हाला तिकीट बुकिंगमध्ये कोणत्याही प्रकारच्या समस्येचा सामना करावा लागणार नाही.
मोबाइल आणि ईमेल सत्यापन
1.IRCTC अॅप किंवा वेबसाइटवर जाऊन पडताळणी विंडोवर क्लिक करा.
2.आता तुमचा नोंदणीकृत मोबाईल नंबर आणि ई-मेल आयडी टाका.
3.दोन्ही माहिती प्रविष्ट केल्यानंतर, सत्यापन बटणावर क्लिक करा.
4.येथे क्लिक केल्यावर तुमच्या मोबाइलवर OTP येईल, तो टाकून मोबाइल नंबर सत्यापित करा.
5.ई-मेल आयडीवर मिळालेला कोड टाकल्यानंतर तुमचा मेल आयडीही पडताळला जाईल.
6.ही प्रक्रिया पूर्ण केल्यानंतर तुम्ही ट्रेनसाठी ऑनलाइन तिकीट बुकिंग करू शकता.
