Personal Loan : कधी कधी आपल्याला जास्त पैशांची (Money) गरज पडते. अशावेळी आपल्याकडे तेवढी रक्कम असतेच असे नाही.
त्यामुळे अनेक जण बँकेकडून (Bank) वैयक्तिक कर्ज (Loan) घेतात. परंतु, बँकेचे व्याजदर खूप असते. आता तुम्ही LIC कडूनही वैयक्तिक कर्ज (LIC Personal Loan) घेऊ शकता. कसे ते जाणून घेऊया.
तुम्ही एलआयसीकडून वैयक्तिक कर्ज देखील घेऊ शकता
अशा स्थितीत तुम्ही एलआयसीकडून (LIC) वैयक्तिक कर्जासाठीही अर्ज करू शकता. एलआयसीकडून वैयक्तिक कर्जासाठी अर्ज करताना, तुम्हाला खूप कमी व्याज द्यावे लागते.
एलआयसी त्यांच्या पॉलिसीधारकांना (LIC Policyholders) वैयक्तिक कर्जासाठी अर्ज करण्याची परवानगी देते. तुमच्याकडे काही पॉलिसी असल्यास तुम्ही त्यासाठी अर्ज करू शकता.
इतके आहे व्याज
LIC कडून वैयक्तिक कर्जासाठी (LIC Loan) अर्ज करण्याचा सर्वात मोठा फायदा म्हणजे येथे तुमचा व्याजदर फक्त 9 टक्के आहे. तथापि, तुम्हाला किती कर्ज मिळेल हे तुमच्या उत्पन्नावर अवलंबून आहे. तुम्ही 5 वर्षांपर्यंतच्या कालावधीसाठी वैयक्तिक कर्ज घेऊ शकता.
येथे उपलब्ध पर्सनल लोनची खास गोष्ट म्हणजे जर तुम्ही कर्जाच्या मुदतीपूर्वी पेमेंट केले तर शुल्क शून्य आहे. म्हणजेच, मुदतीपूर्वी कर्जाची परतफेड केल्यास, नंतर वेगळे शुल्क भरावे लागणार नाही.
कर्ज कसे घ्यावे
जर तुम्हाला एलआयसी पॉलिसीवर वैयक्तिक कर्ज घ्यायचे असेल, तर तुम्ही एलआयसीच्या वेबसाइटवर जाऊन अधिक माहिती मिळवू शकता. तेथे तुम्ही कर्जासाठी अर्ज करू शकता. ऑनलाइन फॉर्म भरा आणि डाउनलोड करा.
भरलेल्या फॉर्मवर स्वाक्षरी केल्यानंतर, तो स्कॅन करा आणि एलआयसीच्या वेबसाइटवर अपलोड करा. यानंतर तुमच्या अर्जाची विमा महामंडळाकडून पडताळणी केली जाईल आणि कर्ज देण्याची प्रक्रिया सुरू होईल. प्रक्रिया पूर्ण झाल्यानंतर, संपूर्ण कर्जाची रक्कम तुमच्या बँक खात्यात जमा केली जाईल.
