Petrol Price Today : पेट्रोल (Petrol) डिझेलच्या वाढत्या दरामुळे सर्वसामान्य नागरिक हैराण झाले आहेत. पण आज दिलासादायक बातमी येत आहे. सलग तिसऱ्या दिवशी पेट्रोल डिझेलच्या (Disel) किमतीत काहीही बदल झालेला नाही. त्यामुळे हा एकप्रकारचा दिलासा असल्याचे म्हंटले जात आहे.
भारतीय तेल कंपन्यांनी (Indian oil companies) पेट्रोल आणि डिझेलचे नवीनतम दर अपडेट केले आहेत. एप्रिल महिन्यातील हा तिसरा दिवस आहे, जेव्हा पेट्रोल आणि डिझेलच्या दरात (Rate) कोणताही बदल झालेला नाही.
अशा परिस्थितीत पेट्रोल आणि डिझेलच्या महागाईने हैराण झालेल्या जनतेला आता दर स्थिर राहिल्याने काहीसा दिलासा मिळाला आहे. मात्र, 22 मार्चपासून लिटरमागे 10 रुपयांनी वाढ झाली आहे.
गेल्या तीन दिवसांपासून पेट्रोल आणि डिझेलचे दर स्थिर असले तरी दर विक्रमी पातळीवर आहेत. याआधी बुधवारी पेट्रोल आणि डिझेलच्या दरात प्रतिलिटर 80 पैशांनी वाढ करण्यात आली होती. आम्ही तुम्हाला सांगतो की स्थानिक करानुसार पेट्रोल आणि डिझेलचे दर वेगवेगळ्या राज्यांमध्ये आणि शहरांमध्ये भिन्न आहेत.
मध्य प्रदेशातील बालाघाटमध्ये पेट्रोलने 120 रुपयांचा टप्पा ओलांडला आहे
मध्य प्रदेशातील इंदूरमध्ये पेट्रोलचा दर 118.26 रुपये प्रति लिटर तर डिझेलचा दर 101.29 रुपये प्रति लिटर आहे. बालाघाटात सर्वाधिक महाग पेट्रोल आणि डिझेल विकले जात आहे.
बालाघाटमध्ये पेट्रोलचा दर 120.48 रुपयांवर तर डिझेल 103.32 रुपयांवर पोहोचला आहे. याशिवाय मध्यप्रदेशची राजधानी भोपाळमध्ये पेट्रोल 118.07 रुपये तर डिझेल 101.09 रुपये प्रति लिटरने विकले जात आहे.
भारतीय पेट्रोलियम मार्केटिंग कंपनी इंडियन ऑइल कॉर्पोरेशन (IOCL) च्या ताज्या अपडेटनुसार, 9 एप्रिल 2022 रोजी, देशाची राजधानी दिल्लीत पेट्रोल 105.41 रुपये प्रति लिटर तर डिझेल 96.67 रुपये प्रति लिटर विकले जात आहे.
त्याचबरोबर देशाची आर्थिक राजधानी असलेल्या मुंबईत पेट्रोल 120.51 रुपये आणि डिझेल 104.77 रुपये प्रति लिटर दराने विकले जात आहे.
महानगरांमध्ये पेट्रोल आणि डिझेलचे दर
शहराचे नाव पेट्रोल डिझेल
दिल्ली 105.41 96.67
मुंबई 120.51 104.77
कोलकाता 115.12 99.83
चेन्नई 110.85 100.94
पेट्रोल-डिझेल आतापर्यंत 10 रुपयांनी महागले आहे
तेल कंपन्यांनी 19 दिवसांत 14 वेळा पेट्रोल-डिझेलच्या दरात वाढ केली आहे. त्यानंतर 22 मार्च ते 6 एप्रिल या कालावधीत दिल्लीत पेट्रोल अनुक्रमे 80, 80, 80, 80, 50, 30, 80, 80, 80, 80, 80, 40, 80 आणि 80 पैशांनी प्रतिलिटर महागले आहे.
7, 8 आणि 9 एप्रिल रोजी दर स्थिर आहेत. आतापर्यंत पेट्रोल आणि डिझेलच्या दरात प्रतिलिटर 10 रुपयांनी वाढ झाली आहे.
तुमच्या शहरातील पेट्रोल आणि डिझेलची किंमत एसएमएसद्वारे तपासा
तुमच्या शहरातील पेट्रोल आणि डिझेलचे दर तुम्हाला एसएमएसद्वारे दररोज कळू शकतात. यासाठी इंडियन ऑइलच्या (IOCL) ग्राहकांना RSP कोड लिहून ९२२४९९२२४९ या क्रमांकावर पाठवावा लागेल. तुमच्या शहराचा RSP कोड जाणून घेण्यासाठी येथे क्लिक करा.
