Petrol Price Today : केंद्र सरकारने (Central Goverment) नुकताच सर्वसामान्यांना दिलासा देणारा निर्णय घेतला आहे. पेट्रोल डिझेलवरील (Petrol-Disel) कर कमी केल्यामुळे इंधनाचे दर स्वस्त झाले आहेत. तसेच आजही सरकारी तेल कंपन्यांकडून (Government oil companies) पेट्रोल डिझेलचे नवे दर जाहीर करण्यात आले आहे.
देशात आजही पेट्रोल आणि डिझेलच्या दरात कोणताही बदल झालेला नाही. देशाची राजधानी दिल्लीत (Delhi) एक लिटर पेट्रोल 96.72 रुपये आणि डिझेल 89.62 रुपयांना विकले जात आहे.
याशिवाय इतर महानगरांमध्येही पेट्रोल आणि डिझेलच्या दरात बदल झालेला नाही. आर्थिक राजधानी मुंबईत (Mumbai) पेट्रोल 111.35 रुपये तर डिझेल 97.28 रुपये दराने विकले जात आहे.
याशिवाय, चेन्नईमध्ये एक लिटर पेट्रोलची किंमत 102.63 रुपयांवर स्थिर आहे, तर डिझेल 94.24 रुपयांना विकले जात आहे. त्याचवेळी पश्चिम बंगालची राजधानी कोलकाता बद्दल बोलायचे झाले तर येथे एक लिटर पेट्रोल 106.03 रुपये आणि डिझेल 92.76 रुपये आहे.
केंद्र सरकारने यापूर्वी पेट्रोल आणि डिझेलवरील उत्पादन शुल्क कमी करून जनतेला दिलासा दिला होता. पेट्रोलवरील उत्पादन शुल्कात 8 रुपये आणि डिझेलवर 6 रुपयांनी कपात करण्यात आली आहे.
यानंतर सर्व राज्यांमध्ये तेलाच्या किमती कमी झाल्या. त्याचवेळी विरोधकांनी या मुद्द्यावरून सरकारला घेरले आणि दोन महिन्यांपूर्वी तेलाच्या किमती वाढल्या होत्या तेवढ्याच रुपयांची कपात करण्यात आल्याचे सांगितले.
तसेच यामध्ये केंद्र सरकारचाच नव्हे तर राज्य सरकारचाही वाटा कमी करण्यात आला आहे. केंद्र सरकारने कर कपात केल्यानंतर विविध राज्यांनीही जनतेला दिलासा दिला आहे. केरळ, राजस्थान आणि महाराष्ट्र सरकारने व्हॅट कमी केला होता.
महाराष्ट्र सरकारने पेट्रोलच्या दरात प्रतिलिटर 2.08 रुपये आणि डिझेलच्या दरात 1.44 रुपयांची कपात केली आहे. केरळ सरकारने पेट्रोलवर २.४१ रुपये आणि डिझेलवर १.३६ रुपयांची कपात केली होती.
पेट्रोल आणि डिझेलचे दर दररोज अपडेट केले जातात
आंतरराष्ट्रीय बाजारपेठेतील कच्च्या तेलाच्या आधारावर तेल विपणन कंपन्या दररोज पेट्रोल आणि डिझेलच्या किमतींचा आढावा घेऊन दर निश्चित करतात. इंडियन ऑइल, भारत पेट्रोलियम आणि हिंदुस्थान पेट्रोलियम तेल कंपन्या दररोज सकाळी वेगवेगळ्या शहरांच्या पेट्रोल आणि डिझेलच्या किमतीची माहिती अपडेट करतात.
तुमच्या शहरातील पेट्रोल आणि डिझेलची किंमत एसएमएसद्वारे तपासा
तुमच्या शहरातील पेट्रोल आणि डिझेलचे दर तुम्हाला एसएमएसद्वारे दररोज कळू शकतात. यासाठी इंडियन ऑइल (IOCL) च्या ग्राहकांना RSP कोड लिहून ९२२४९९२२४९ या क्रमांकावर पाठवावा लागेल.
