Redmi Smart Fire TV 4K : रेडमीने आणला 43 इंचाचा स्वस्त स्मार्ट टीव्ही, मिळेल 4K डिस्प्ले आणि 24W साउंड; जाणून घ्या किंमत

Redmi Smart Fire TV 4K : जर तुम्ही नवीन स्मार्ट टीव्ही खरेदी करण्याच्या तयारीत असाल तर जरा थांबा. इकडं लक्ष द्या, कारण बाजारात रेडमीचा नवीन 43 इंचाचा स्मार्ट टीव्ही दाखल झाला आहे. आता तो तुम्ही तुमच्या बजेटमध्ये सहज खरेदी करू शकता.

कंपनीने आपल्या नवीन Redmi Smart Fire TV 4K मध्ये 24W साउंड दिला आहे. तसेच यात वापरकर्त्यांना शानदार फीचर्स देखील पाहायला मिळतील. तसेच 2GB रॅम आणि 8GB स्टोरेज यात मिळेल. जाणून घेऊयात या टीव्हीचे फीचर्स आणि किंमत.

Redmi Smart Fire TV 4K

43 इंचाचा डिस्प्ले आणि 24W साउंड

रेडमीच्या नवीन Redmi Smart Fire TV 4K मध्ये 43-इंचाची स्क्रीन देण्यात आली आहे. यात 3840×2160 पिक्सेलचा 4K डिस्प्ले असून यामध्ये कंपनीने 60 Hz रिफ्रेश रेट, HDR सपोर्ट आणि विविड पिक्चर इंजिन सपोर्ट दिला आहे. या टीव्हीमध्ये मेटल बेझल-लेस डिझाइन दिले आहे. त्याशिवाय कंपनीने इमर्सिव्ह ऑडिओ अनुभवासाठी टीव्हीमध्ये डॉल्बी ऑडिओ, डीटीएस व्हर्च्युअल:एक्स आणि डीटीएस:एचडी सोबत 24W ड्युअल स्टीरिओ स्पीकर सिस्टम देखील देण्यात आली आहे.

2GB रॅम आणि 8GB स्टोरेज

नवीन स्मार्ट टीव्ही क्वाड-कोर प्रोसेसरद्वारे समर्थित असून याच्या स्टोरेजचा विचार केला तर यात 2GB रॅम आणि 8GB स्टोरेज दिले आहे. सहा वापरकर्ता प्रोफाइल, 12,000 अॅप्स असणारे अॅप स्टोअर, अंगभूत व्हॉइस असिस्टंट आणि पालक नियंत्रणासारख्या फीचर्ससह फायरओएसवर हा स्मार्ट टीव्ही चालतो. कंपनीच्या नवीन स्मार्ट टीव्हीमध्ये पिक्चर-इन-पिक्चर मोड देण्यात आले आहे. वापरकर्त्यांना एसटीबी चॅनेलसाठी अलेक्सा व्हॉईस कमांडचा वापर करता येईल. हा प्राइम व्हिडिओ, अॅमेझॉन म्युझिक आणि नेटफ्लिक्ससाठी समर्पित हॉटकीजसह हा टीव्ही बंडल केलेल्या मिनिमलिस्टिक रिमोटसह तुम्हाला खरेदी करता येईल.

वैशिष्ट्ये

तर कंपनीने कनेक्टिव्हिटीसाठी, Redmi Smart Fire TV 4K मध्ये Miracast आणि AirPlay 2 सारखी शानदार फीचर्स दिली आहेत. यात गेमिंगसाठी ऑटो-लो लेटन्सी मोडचा देखील समावेश आहे. इतकेच नाही तर या स्मार्ट टीव्हीमध्ये ड्युअल-बँड वायफाय, तीन एचडीएमआय 2.1 पोर्ट, ब्लूटूथ 5.0, दोन यूएसबी पोर्ट, एक इथरनेट पोर्ट आणि एक हेडफोन जॅक देण्यात आला आहे.

किंमत

किमतीचा विचार केला तर Redmi Smart TV 4K ची लॉन्च किंमत 24,999 रुपये इतकी आहे. आनंदाची बाब म्हणजे कंपनी त्यावर 1 वर्षाची वॉरंटी देत ​​असून अजूनही कंपनीने त्याच्या उपलब्धतेची अचूक तारीख दिलेली नाही परंतु कंपनीने जाहीर केले आहे की या सणासुदीच्या हंगामात Amazon आणि Mi.com वर खरेदीसाठी उपलब्ध असणार आहे.