Royal Enfield Super Meteor 650 : रॉयल एनफिल्ड ही तरुणांच्या गळ्यातील ताईत बनली आहे. रॉयल एनफिल्डच्या चाहत्यांसाठी एक अतिशय आनंदाची बातमी आहे. कारण रॉयल एनफिल्डने नवीन Royal Enfield Super Meteor 650 या बाईकची घोषणा केली आहे.
गोव्यातील एका इव्हेंटमध्ये ही बाइक सादर केली आहे. अनेक दिवसांपासून कंपनी या बाईकवर काम करत होती. लवकरच भारतातही ही बाईक सादर केली जाणार आहे. परंतु, कंपनीने अद्यापही किमतीबाबत कोणताही खुलासा केला आहे.
हे Royal Enfield Super Meteor 650 चे इंजिन असेल
नवीन Royal Enfield Super Meteor 650 मध्ये समांतर ट्विन-सिलेंडर इंजिन आहे. हे 6-स्पीड गिअरबॉक्सशी जोडलेले आहे आणि 47PS पॉवर आणि 52Nm पीक टॉर्क जनरेट करू शकते. बाईकचा वेग ताशी 120 किलोमीटर असेल. बाईकचे मायलेज देखील इतर स्पोर्ट्स बाइक्सपेक्षा जास्त असेल.
रायडरच्या सुरक्षेसाठी बाईकमध्ये अनेक नवीन फीचर्स देखील जोडण्यात आले आहेत. बाईकला पुढील बाजूस पारंपरिक USD फोर्क्स आणि ड्युअल रियर शॉक अब्जॉर्बर मिळतात. बाईक तात्काळ थांबवण्यासाठी यामध्ये डिस्क ब्रेकिंग सिस्टीम देण्यात आली आहे. तसेच यात ड्युअल चॅनल एबीएस (अँटी-लॉक ब्रेकिंग सिस्टम) देण्यात आले आहे.
नवीन Royal Enfield Super Meteor 650 बाईक दमदार लूकमध्ये दिसणार आहे
या बाईकचे डिझाइन काहीसे पारंपारिक रॉयल एनफील्ड SG650 सारखे असेल. लूक सुधारण्यासाठी अनेक नवीन अतिरिक्त वैशिष्ट्ये जोडण्यात आली असली तरी. यामध्ये गोल एलईडी हेडलॅम्प, टियरड्रॉप फ्युएल टँक, रेट्रो-स्टाईल विंग्ड लोगो, रुंद हँडलबार, नवीन साइड पॅनेल्स, फॉरवर्ड सेट फूट पेग आणि नवीन टेल सेक्शन यांचा समावेश आहे.
आरामदायी राइडिंगसाठी यात चांगली स्कूप सीट देण्यात आली आहे. तसेच नॉन-अ‍ॅडजस्टेबल हँड लीव्हर देखील देण्यात आला आहे. बाईकच्या किंमतीबाबत अद्याप खुलासा करण्यात आलेला नाही.
