Sarkari Yojana Information : केंद्र सरकारकडून (Central Goverment) शेतकऱ्यांसाठी (Farmers) प्रधानमंत्री किसान सन्मान निधी योजना (Pradhan Mantri Kisan Sanman Nidhi Yojana) चालू करण्यात आली आहे. यामध्ये शेतकऱ्यांना वर्षाला 6000 रुपये दिले जातात. मात्र आता केंद्र सरकारकडून नवी योजना आणण्यात आली आहे.
शेतकरी आता पीएम किसान मान धन योजनेचा लाभ घेऊ शकतात, ज्या अंतर्गत त्यांना सेवानिवृत्तीनंतर 3,000 रुपये प्रति महिना या 12 मासिक हप्त्यांमध्ये प्रतिवर्ष 36,000 रुपये मिळू शकतात.
ही योजना प्रधानमंत्री किसान सन्मान निधी योजना (PM-KSNY) अंतर्गत नोंदणीकृत असलेल्या कोणत्याही शेतकऱ्यासाठी वैध आहे. ही योजना प्रधानमंत्री किसान सन्मान निधी योजनेंतर्गत नोंदणी केलेल्या 60 वर्षांवरील शेतकऱ्यांना मासिक पेन्शनच्या (Monthly pension) स्वरूपात आर्थिक सहाय्य प्रदान करेल.
लाभ मिळण्यापूर्वी शेतकऱ्याला किमान 20 वर्षे या योजनेत गुंतवणूक सुरू करावी लागते. पेन्शन मिळविण्यासाठी शेतकरी वयाच्या १८ व्या वर्षापासून या योजनेत गुंतवणूक करण्यास सुरुवात करू शकतो.
18 वर्षांच्या शेतकर्‍यांना दरमहा 55 रुपये, 30 वर्षांवरील शेतकर्‍यांना दरमहा 110 रुपये योगदान द्यावे लागेल, तर 40 वर्षांवरील शेतकर्‍यांना निवृत्तीनंतर लाभ मिळविण्यासाठी दरमहा 200 रुपये गुंतवावे लागतील.
पीएम किसान मान धन योजनेत नावनोंदणी कशी करावी?
प्रधानमंत्री किसान सन्मान निधी योजनेंतर्गत नोंदणी केलेला शेतकरी देखील किसान मान धन योजनेसाठी नोंदणी करू शकतो.
शेतकऱ्याकडे दोन हेक्टरपेक्षा कमी लागवडीयोग्य जमीन असावी.
पीएम किसान मान धन योजनेअंतर्गत अर्ज करण्यासाठी शेतकऱ्याला अतिरिक्त कागदपत्रे देण्याची गरज नाही.
पीएम किसान सन्मान निधी योजना शेतकऱ्यांना तीन समान हप्त्यांमध्ये वार्षिक 6000 रुपये रोख हस्तांतरण प्रदान करते. पहिला हप्ता एप्रिल-जुलै दरम्यान, दुसरा हप्ता ऑगस्ट-नोव्हेंबर दरम्यान आणि तिसरा हप्ता डिसेंबर-मार्च दरम्यान आहे.
नवीन वर्षाच्या निमित्ताने 1 जानेवारी 2022 रोजी 10 वा हप्ता जारी करण्यात आला. आता शेतकऱ्यांच्या बँक खात्यात 11वा हप्ताही लवकरच येणार आहे.
