Share Market Update : गुंतवणूकदारांना (investors) करोडपती (Millionaire) बनवणारा अजंता फार्मा (Ajanta Pharma) या कंपनीचा हा शेअर आहे. अजंता फार्माच्या समभागांनी दीर्घ कालावधीत त्यांच्या गुंतवणूकदारांना 55,336% पेक्षा जास्त चांगला परतावा दिला आहे.
आता आज मंगळवारी कंपनीने बोनस शेअर्स (Bonus shares) देण्याची घोषणा केली आहे. अजंता फार्माने मंगळवारी जाहीर केले की त्यांच्या संचालक मंडळाने आज झालेल्या बैठकीत बोनस इक्विटी शेअर्स 1:2 च्या प्रमाणात जारी करण्यास मान्यता दिली आहे. हे कंपनीच्या भागधारकांच्या मान्यतेच्या अधीन आहे. BSE वर अजंता फार्माचे शेअर्स जवळपास 4% घसरून Rs 1,652.30 वर बंद झाले.
१९ वर्षात गुंतवणूकदार करोडपती झाले
२८ मार्च २००३ रोजी अजंता फार्माचे शेअर्स NSE वर 2.98 रुपये प्रति शेअर या पातळीवर होते, ज्याने आता १६०० चा टप्पा ओलांडला आहे. म्हणजेच, या फार्मा कंपनीच्या स्टॉकने या कालावधीत सुमारे 55336.24% परतावा दिला आहे.
त्यामुळे समजा २००३ मध्ये जर एखाद्या गुंतवणूकदाराने या शेअरमध्ये एक लाख रुपये गुंतवले असते आणि आजपर्यंत गुंतवणूक तशीच ठेवली असती तर त्याला आज 5.54 कोटी रुपयांचा फायदा झाला असता.
कंपनीने काय म्हटले माहित आहे?
३१ मार्च २०२२ पर्यंत बोनस शेअर इश्यू कंपनीच्या फ्री रिझर्व्हच्या (free reserve) बाहेर असेल असे कंपनीने म्हटले आहे. बोनस शेअर्स हे कंपनीने तिच्या विद्यमान भागधारकांना दिलेले अतिरिक्त शेअर्स पूर्ण भरलेले असतात.
चौथ्या तिमाहीत (Q4FY22) कंपनीच्या कामकाजातून अजंता फार्माचा महसूल ₹870 कोटी होता, जो गेल्या वर्षीच्या याच तिमाहीत ₹757 कोटींच्या तुलनेत 15% ची वाढ होता. तथापि, त्याचा निव्वळ नफा वर्ष-दर-वर्ष (YoY) ₹159 कोटींवरून किंचित घटून ₹151 कोटी झाला.
