अहमदनगर Live24 टीम, 17 डिसेंबर 2021 :- जागतिक स्तरावर घसरत चाललेल्या ट्रेंडमध्ये या आठवड्याच्या शेवटच्या ट्रेडिंग दिवशी 17 डिसेंबर रोजी देशांतर्गत बेंचमार्क निर्देशांक सेन्सेक्स आणि निफ्टी 1 टक्क्यांहून अधिक घसरणीसह बंद झाले.(Share Market updates)
रिलायन्स सारख्या हेवीवेट शेअर्सनी आणि बँकिंग आणि रियल्टी क्षेत्रातील शेअर्सची विक्री यामुळे बाजारावर दबाव वाढला. सेन्सेक्स आणि निफ्टी 50 वरील फक्त पाच-पाच शेअर्स वाढीसह बंद झाले आहेत.
या सगळ्यामुळे सेन्सेक्स 889.40 अंकांनी घसरून 57,011.74 वर तर निफ्टी 263.20 अंकांच्या घसरणीसह 16,985.20 वर बंद झाला.
आज इन्फोसिस सारख्या आयटी शेअरमध्ये मोठी खरेदी झाली पण ती बाजाराची घसरण थांबवू शकली नाही.
रेटगेनने IPO ने देखील केली गुंतवणूकदारांची निराशा :- जगातील सर्वात मोठ्या वितरण तंत्रज्ञान कंपन्यांपैकी एक असलेल्या RateGain Travel Technologies च्या लिस्टिंगने आज IPO गुंतवणूकदारांची निराशा केली. बाजारातील कमजोर भावनांमुळे त्यांचे शेअर्स आज 14 टक्के सवलतीने उघडले.
त्याचे शेअर्स 425 रुपयांच्या इश्यू किमतीच्या तुलनेत 364.8 रुपये प्रति शेअरवर लिस्ट झाले. तथापि, कंपनीच्या 1336 कोटी रुपयांच्या IPO ला गुंतवणूकदारांकडून जबरदस्त प्रतिसाद मिळाला आणि इश्यू 17.41 पट सबस्क्राइब झाला.
बँकिंग शेअर्सच्या विक्रीमुळे बाजारावर दबाव वाढला :- आज सेन्सेक्सवरील सर्व बँकिंग शेअर्समध्ये घसरणीचा कल होता. दुसरीकडे, निफ्टीचा आयटी वगळता इतर क्षेत्रांचे निर्देशांक घसरणीसह बंद झाले.
सर्वात मोठी घसरण निफ्टी मीडियामध्ये झाली आणि तो 4.74 टक्क्यांच्या घसरणीसह बंद झाला. निफ्टी आयटी 1.35 टक्क्यांनी वधारला.
निफ्टी बँक आज 2.54 टक्क्यांनी कमजोर झाली आहे. आज इंडसइंड बँक, टाटा मोटर्स आणि ओएनजीसी 4 टक्क्यांहून अधिक घसरले.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
