Solar AC in India : उन्हाळ्यात आपल्या घरी AC असावा असे प्रत्येकालाच वाटत असते. परंतु, किंमत (Price) जास्त असल्यामुळे प्रत्येकाला AC खरेदी परवडत नाही. त्याचबरोबर वीज बिलाचे (Electricity bill) टेन्शनही असते.
अशा परिस्थितीत सोलर एसी (Solar AC) हा एक उत्तम पर्याय ठरू शकतो. हा एसी पर्यावरणाला (Environment) हानी पोहोचवत नसून वीज बिलाचीही बचत होते.
जर आपण त्याच्या किंमतीबद्दल बोललो तर, सोलर एसीच्या क्षमतेनुसार, त्याची किंमत देखील बदलते. काही अहवालांवर विश्वास ठेवला तर, सरासरी क्षमतेच्या सोलर एसीची किंमत बाजारात (Market) 99 हजार रुपयांपर्यंत असू शकते. याशिवाय, जास्त क्षमतेचा सोलर एसी घेण्यासाठी तुम्हाला जास्त पैसे खर्च करावे लागतील.
घरी एसी वापरल्यास साधारणपणे 3 ते 5 हजार रुपयांपर्यंत वीज बिल येते. अशा परिस्थितीत तुम्ही तुमच्या घरांमध्ये सोलर एसी लावून वीज बिलाची चांगली बचत करू शकता. सोलर एसी वापरण्यासाठी तुम्हाला सोलर पॅनलची (Solar panel) आवश्यकता असेल.
अनेक लोक आता आपल्या घरात सौरऊर्जेवर चालणारी उपकरणे बसवत आहेत. ते बसवल्याने तुमच्या घरातील वीज बिलात बरीच बचत होते. याशिवाय, तुम्ही त्यांचा दीर्घकाळ वापर करू शकता.
