Zodiac Sign : दिवाळीनंतर काही लोकांचा गोल्डन टाईम सुरु होणार आहे. वैदिक ज्योतिष्य शास्त्रानुसार एका ठराविक कालावधीनंतर ग्रहाचे राशीं अन नक्षत्र परिवर्तन होत असते. बुध आणि गुरु ग्रहांची युती 24 ऑक्टोबर रोजी होणार आहे. या दिवशी सायंकाळी 8:35 वाजता गुरु आणि बुध हे एकमेकांपासून 120 अंशावर असतील. याचा परिणाम म्हणून शक्तिशाली नवपंचम राजयोग तयार होणार आहे.
हा योग अत्यंत शुभ मानला जातो आणि आर्थिक व्यवसायिक तसेच वैयक्तिक जीवनात प्रगतीचे दार उघडतो. या राजयोगामुळे काही राशीच्या लोकांना मोठा लाभ मिळू शकतो. या काळात गुरु कर्क राशीच्या नवव्या घरात असेल. तसेच, बुध वृश्चिक राशीच्या पाचव्या घरात राहणार आहे. या दुर्मिळ योगामुळे काही राशींवर विशेष शुभ प्रभाव पडणार आहे. आता आपण या योगाचा कोणत्या राशींना सर्वाधिक फायदा होईल याची माहिती पाहुयात.
वृश्चिक – या लोकांना हा योग अत्यंत लाभदायक ठरणार आहे. लग्नाच्या घरात आणि गुरु नवव्या घरात असल्याने सर्व क्षेत्रात प्रगतीचे शक्यता आहे. अध्यात्मिक प्रगती होईल, मुलांशी संबंधित आनंददायक बातम्या मिळतील, आत्मविश्वासाने समाजातील प्रतिष्ठा वाढेल, कामाच्या ठिकाणी बढती व प्रदेश प्रवासाची शक्यता. एकूणच, हा काळ वृश्चिक राशि वाल्यांसाठी सर्वांगीण प्रगतीचा आणि मान सन्मानाचा असेल.
मकर – मकर राशीच्या लोकांसाठी नवपंचम राजयोग व्यवसाय आणि आर्थिक दृष्ट्या अत्यंत शुभ आहे. उत्पन्नात जलद वाढ, रियल इस्टेट मध्ये यश आणि नफा, मालमत्तेशी संबंधित प्रलंबित कामे पूर्ण होण्याची शक्यता, आत्मविश्वास व निर्णय क्षमतेत वाढ, मित्रांसोबत आनंदाचे क्षण आणि मुलांकडून शुभवार्ता. हा काळ मकर राशी वाल्यांसाठी समृद्धी आणि स्थैर्य घेऊन येणारा ठरणार आहे.
मेष राशी – या लोकांसाठी हा योग अचानक आर्थिक लाभ आणि करिअरमध्ये मोठी प्रगती घडवून आणू शकतो. दीर्घकाळ प्रलंबित कामे पूर्ण होतील, करिअरमध्ये पदोन्नती व वरिष्ठांचे सहकार्य लाभेल, कुटुंबात आनंद आणि मानसिक शांती वाढेल, आत्मनिरीक्षण आणि मेहनतीमुळे दीर्घकालीन फळ मिळेल, अनपेक्षित आर्थिक लाभाची शक्यता सुद्धा आहे.
हा काळ या लोकांसाठी नवीन सुरुवातीचा आणि यशाचा काळ ठरेल 24 ऑक्टोंबर पासून सुरू होणाऱ्या नवपंचम राजयोग अनेक राशीसाठी नशिबांचा दरवाजा उघडणार आहे. वृश्चिक, मकर आणि मेष राशींच्या लोकांना या काळात धन, यश ,प्रतिष्ठा आणि आनंद मिळण्याचे शक्यता आहे. पण, ज्योतिषशास्त्रानुसार प्रत्येक योगाचा प्रभाव व्यक्तीच्या चंद्र राशी आणि कुंडलीतील गृह स्थितीवर अवलंबून असतो. त्यामुळे वैयक्तिक मार्गदर्शनासाठी तज्ञ ज्योतिषाचा सल्ला घेणे कायमच लाभदायक ठरते.
