अहमदनगर Live24 टीम, 27 फेब्रुवारी 2021 :-केरळ सरकारने ऑनलाईन रम्मीला बेकायदेशीर घोषित केले आहे. केरळ सरकारचा हा निर्णय तातडीने अंमलात आला आहे.
केरळच्या पिनारायी विजयन सरकारने केरळ गेमिंग अ‍ॅक्ट 1960 मध्ये दुरुस्ती केली आणि ऑनलाईन रम्मी बेकायदेशीर घोषित केले. वृत्तसंस्था एएनआयच्या वृत्तानुसार, शनिवार 27 फेब्रुवारी रोजी यासंदर्भात एक अधिसूचना जारी करण्यात आली.
केरळ हायकोर्टाच्या निर्देशानंतर केरळ सरकारने हा निर्णय घेतला ज्यामध्ये राज्य सरकारला ऑनलाईन रम्मी व्यवसायाच्या विरोधात पावले उचलण्यास सांगण्यात आले.
सुनावणीदरम्यान हायकोर्टाने भारतीय क्रिकेट संघाचा कर्णधार विराट कोहली आणि अभिनेत्री तमन्ना यांना नोटीस बजावली.
चित्रपटाच्या दिग्दर्शकाने याचिका दाखल केली होती :- चित्रपट दिग्दर्शक पॉली वडक्कन यांनी याबाबत जनहित याचिका दाखल केली. याचिकेत त्यांनी ऑनलाइन रम्मी गेम्स होस्ट करणार्‍या साइटवर कारवाई करण्याची मागणी केली होती.
या चित्रपटाच्या दिग्दर्शकाने आपल्या याचिकेत म्हटले आहे की, ऑनलाइन रम्मी व्यवसाय राज्यातील तरुणांचा नाश करीत आहे. याशिवाय याचिकेत एका युवकाचा उल्लेखही करण्यात आला होता,
ज्याला ऑनलाइन रम्मी खेळण्याची सवय होती आणि त्याने मोठ्या प्रमाणात नुकसान झाल्याने त्याने आत्महत्या केली.
पीआयएलवरील सुनावणीदरम्यान केरळ उच्च न्यायालयाने भारतीय क्रिकेट संघाचा कर्णधार विराट कोहली आणि चित्रपट स्टार तमन्ना यांना नोटीसही बजावली होती.
हे दोघे मोबाइल प्रीमियर लीग (एमपीएल) आणि एमपीएल ऑनलाइन रम्मी आणि इतर कार्ड गेम्सची जाहिरात करतात.
केरळ व्यतिरिक्त या राज्यांमध्येही ऑनलाइन रमीवर बंदी आहे :- केरळनेच केवळ रम्मीला ऑनलाईन बंदी घातली असे नाही. यापूर्वी आंध्र प्रदेश, तामिळनाडूनेही यावर बंदी घातली आहे.
यासाठी दोन्ही राज्यांनी त्यांच्या गेमिंग कायद्यात सुधारणा केली आहे. गुजरात आणि दिल्ली उच्च न्यायालयांनीही ऑनलाइन सट्टेबाजीच्या व्यवसायाबाबत राज्य सरकारांना निर्णय घेण्यास सांगितले आहे.
- ब्रेकिंग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|
