अहमदनगर Live24 टीम, 10 ऑगस्ट 2021 :- सॉवरेन गोल्ड बाँड (एसजीबी) योजना 2021-22 ची पाचवी किस्त 9 ऑगस्ट 2021 रोजी सबस्क्रिप्शनसाठी खुली झाली. पाचवी किस्त गुंतवणूकदारांसाठी 9 ऑगस्ट ते 13 ऑगस्ट दरम्यान पाच दिवसांसाठी खुली असेल.
SGB मध्ये गुंतवणूक करताना गुंतवणूकदारांना व्याज मिळते. सोन्याच्या नॉन-फिजिकल स्वरूपात गुंतवणूक करण्यासाठी एसजीबी हा एक अतिशय लोकप्रिय पर्याय आहे. उर्वरित एसजीबी तपशीलांबद्दल अधिक जाणून घ्या.
सोन्याचा दर काय असेल ? :- RBI च्या मते, गोल्ड बॉण्ड स्कीम 2021-22 च्या पाचव्या हप्त्यात एका ग्रॅम सोन्याची किंमत 4,790 रुपये आहे. एसजीबीमध्ये हे प्रति युनिट मूल्य आहे. पाचव्या हप्त्यातील इश्यू डेट 17 ऑगस्ट 2021 निश्चित करण्यात आली आहे. प्रत्येक हप्त्यासाठी निश्चित केलेली किंमत मुंबई स्थित इंडिया बुलियन अँड ज्वेलर्स असोसिएशन (IBJA) द्वारे दिलेल्या किंमतींच्या सरासरीनुसार मोजली जाते. सध्याच्या मालिकेनंतर, गोल्ड बॉण्ड योजना या वर्षी आणखी एकदा सब्सक्रिप्शन साठी उपलब्ध होईल.
कोण गुंतवणूक करू शकतो ? :- गोल्ड बॉण्ड्स सोन्याशी लिंक असतात आणि गुंतवणूकीवर अतिरिक्त परतावा देखील देतात. कोणतीही भारतीय रहिवासी व्यक्ती, हिंदू अविभक्त कुटुंब ट्रस्ट, विद्यापीठे आणि धर्मादाय संस्था या सरकारी सुवर्ण बाँड योजनेत गुंतवणूक करू शकतात. बहुतेक तज्ञ डिजिटल किंवा पेपर गोल्डद्वारे गैर-भौतिक सोन्यात गुंतवणूक करण्याची शिफारस करतात. याचे एक प्रमुख कारण म्हणजे उच्च तरलता. तसेच स्टोरेज खर्च नाहीत आणि भौतिक सोन्यापेक्षा ते विकणे सोपे आहे.
या लोकांना मिळेल डिस्काउंट :- जे ग्राहक गोल्ड बॉन्ड योजनेत ऑनलाइन गुंतवणूक करत आहेत ज्यात कोणत्याही डिजिटल पद्धतीने पेमेंट केले जाते, त्यांना RBI नुसार प्रति युनिट 50 रुपये सूट मिळेल. ऑनलाइन ग्राहकांसाठी सॉवरेन गोल्ड बॉण्ड 2021-22 योजनेच्या पाचव्या टप्प्यात, प्रति ग्रॅम सोन्याची किंमत 4,740 रुपये निश्चित करण्यात आली आहे.
सॉवरेन गोल्ड बॉन्ड्स कोठे खरेदी करायचे ;- सॉवरेन गोल्ड बॉन्ड स्मॉल फाइनेंस बँक आणि पेमेंट बँक सोडून सर्व बँका, स्टॉकहोल्डिंग कॉर्पोरेशन ऑफ इंडिया, नियुक्त पोस्ट ऑफिस, मान्यताप्राप्त स्टॉक एक्सचेंज, नॅशनल स्टॉक एक्सचेंज ऑफ इंडिया लिमिटेड आणि बॉम्बे स्टॉक एक्सचेंज लिमिटेड गोल्ड बाँड खरेदी करता येतील.
किती सोने खरेदी करू शकतो?:- सॉवरेन गोल्ड बाँड्स योजनेंतर्गत कोणताही भारतीय नागरिक आर्थिक वर्षात किमान 1 ग्रॅम व जास्तीत जास्त 4 किलो पर्यंत सोनं खरेदी करू शकतो. त्याच वेळी, ट्रस्टसाठी खरेदीची कमाल मर्यादा 20 किलो निश्चित केली गेली आहे.
सॉवरेन गोल्ड बाँडवर 2.5% व्याज :- गोल्ड बाँडच्या मॅच्युरिटीचा कालावधी 8 वर्ष असेल व यावर तुम्हाला वर्षाला 2.5 टक्के व्याज मिळेल. बाँडवर मिळणारा व्याज गुंतवणूदाराच्या टॅक्स स्लॅबनुसार कर योग्य असते. मात्र यात टीडीएस कापले जात नाही. जर बाँड 3 वर्षानंतर विकले गेले तर 20 टक्के दराने लाँग टर्म कॅपिटल गेन टॅक्स लागेल. मात्र मॅच्युरिटीनंतर विकल्यास व्याज करमुक्त असेल. या योजनेंतर्गत एका आर्थिक वर्षात 500 ग्रॅम सोन्याचे बाँड खरेदी करण्याची परवानगी आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
