Electric Car In India: टाटा मोटर्सने (Tata Motors) देशातील सर्वात स्वस्त इलेक्ट्रिक कार (electric car) लॉन्च केली आहे. शोरूममध्ये या कारची किंमत 8.49 लाख रुपयांपासून सुरू आहे. हॅचबॅक सेगमेंटच्या या लोकप्रिय कारच्या इलेक्ट्रिक सेगमेंटमध्ये टाटा मोटर्सने अनेक प्रीमियम फीचर्स दिले आहेत. ही कार खरेदी करताना, तुम्हाला पहिल्यांदा जास्त गुंतवणूक (investment) करावी लागेल, त्यानंतर तुम्ही अत्यंत कमी खर्चात कार चालवू शकता. ही कार खरेदी करण्यासाठी तुम्हाला किती पैसे खर्च करावे लागतील आणि ती खरेदी केल्यानंतर दर महिन्याला किती पैसे वाचतील ते जाणून घेऊया.
किंमत 8.49 लाख रुपयांपासून सुरू होते –
19.2 kWh बॅटरी पॅक आणि 3.3 kW AC चार्जिंग पर्यायासह Tata Tiago च्या XE प्रकारची शोरूममध्ये किंमत 8.49 लाख रुपये असेल. त्याचप्रमाणे, 19.2 kWh बॅटरी पॅक आणि 3.3 kW AC चार्जिंग पर्यायासह XT प्रकारची शोरूममध्ये किंमत 9.09 लाख रुपये असेल. त्याच वेळी, 24 kWh च्या 3.3 kW AC चार्जिंग पर्यायासह XT प्रकारची किंमत 9.99 लाख रुपये असेल. टॉप व्हेरियंटबद्दल बोलायचे झाल्यास, 24 kWh बॅटरी पॅक आणि 7.2 kW AC चार्जिंग पर्यायासह XZ+ Tech Lux ची एक्स-शोरूम किंमत रु. 11.79 लाख आहे.
30 हजार रुपयांपर्यंत सबसिडी मिळू शकते –
देशात स्वच्छ ऊर्जा वाहनांना प्रोत्साहन देण्यासाठी सरकार (government) इलेक्ट्रिक वाहनांच्या खरेदीवर अनुदान देत आहे. तुम्हीही टाटा मोटर्सकडून ही इलेक्ट्रिक कार खरेदी करण्याचा विचार करत असाल, तर तुम्हाला इलेक्ट्रिक कारमध्येही अनेक सूट मिळू शकतात. या कारवर तुम्हाला वेगवेगळ्या राज्यांमध्ये वेगवेगळ्या रकमेची सबसिडी मिळू शकते आणि या कारवर तुम्हाला 30 हजार रुपयांपर्यंत सबसिडी मिळू शकते. बहुतांश राज्यांमध्ये ईव्हीवर रोड टॅक्स (Road tax on EVs) नाही.
दरमहा मोठी बचत –
ही कार खरेदी करून बरीच बचत करता येईल, असा कंपनीचा दावा आहे. कंपनीच्या म्हणण्यानुसार, जर एखादी व्यक्ती एका महिन्यात आपली कार 1000 किलोमीटर चालवते, तर त्याला पेट्रोलवर सुमारे 7500 रुपये खर्च करावे लागतात. जर त्याच व्यक्तीने एक हजार किलोमीटर इलेक्ट्रिक कार चालवली तर त्याला केवळ 1,100 रुपये खर्च करावे लागतील. अशा प्रकारे ती व्यक्ती सुमारे 6400 रुपये वाचवू शकते.
कार गेम चेंजर ठरेल का?
गेल्या काही महिन्यांपासून भारतात इलेक्ट्रिक वाहनांची बरीच चर्चा झाली आहे. परंतु चार्जिंग इन्फ्रास्ट्रक्चरची पुरेशी उपलब्धता नसणे, इतर ईव्हीच्या अवाजवी किंमतीमुळे लोक ते खरेदी करण्यास तयार नाहीत. पण टाटा मोटर्सने 10 लाख रुपयांपेक्षा कमी किमतीत टाटा टियागो ईव्ही लाँच करून एक मोठा मास्टरस्ट्रोक खेळला आहे. विश्लेषकांच्या मते ही कार इलेक्ट्रिक कार उद्योगासाठी गेम चेंजर ठरू शकते.
