अहमदनगर Live24 टीम, 3 जुलै 2021 :- हल्लीच्या काळात आत्महत्येच्या घटनांमध्ये वाढ झाल्याचे पाहायला मिळाले आहे. किरकोळ कारणातूनही अत्यंत टोकाचे पाऊले उचलले जात असल्याचे प्रकार यापूर्वीही घडले आहे.
नुकतेच कोपरगाव मध्ये एका 24 वर्षीय तरुणाने गळफास घेत आत्महत्या केल्याचा प्रकार घडला आहे. कोपरगाव शहरातील समतानगर भागात हि घटना घडली आहे. सुशील विलास कुसाळकर असे आत्महत्या करणाऱ्या मुलाचे नाव आहे.
याबाबत अधिक माहिती अशी कि, मयत सुशील आई-वडिलांसमवेत समतानगर परिसरात राहत होता. गुरुवारी रात्री तो राहत्या घरी त्याच्या रूममध्ये जाऊन झोपला. मात्र, सकाळी त्याच्या वडिलांनी आवाज दिले असता त्याने प्रतिसाद दिला नाही,
त्याच्या वडिलांनी मागील बाजूस असलेले दार उघडून पाहिले तर सुशीलने पंख्याला केबल बांधून आत्महत्या केल्याचे त्यांचे निदर्शनास आले.
दरम्यान शहर पोलिसांना माहिती मिळताच पोलीस घटनास्थळी दाखल झाले व मृतदेहाला शवविच्छेदनासाठी ग्रामीण रुग्णालयात पाठवले. मात्र, आत्महत्येचे नेमके कारण समजू शकले नाही. याप्रकरणी कोपरगाव शहर पोलीस ठाण्यात अकस्मात मृत्यूची नोंद करण्यात आली आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
