Twin Tower : अनधिकृतरित्या बांधलेले ट्विन टॉवर्स स्फोटकांच्या मदतीने जमीनदोस्त केले आहेत. हे टॉवर्स ‘सुपरटेक’ (Supertech) या कंपनीच्या मालकीचे होते.
त्यामुळे या कंपनीचे तब्बल 500 कोटींचे नुकसान झाले आहे. हे टॉवर्स पाडल्यानंतर कंपनीचे अध्यक्ष आर. के. अरोरा (R. K. Arora) यांनी एका मुलाखतीदरम्यान आपली भावना व्यक्त केली आहे.
तो क्षण खूप वेदनादायी होता
एका मुलाखतीदरम्यान सुपरटेकचे अध्यक्ष आर. के. अरोरा यांना ट्विन टॉवर्स पडल्यावर तुम्हाला कसे वाटले? असा प्रश्न विचारला होता. त्यावर ते म्हणाले की, हा माझ्यासाठी खूप वेदनादायी क्षण होता.
अरोरा म्हणाले की, आम्ही 2009 मध्ये ते बनवायला सुरुवात केली आणि खूप मेहनत घेऊन तयार केली होती. रविवारी इमारत कोसळण्यापूर्वी त्यांना शनिवारी संपूर्ण रात्र झोप लागली नाही.
सर्व मंजुरी घेतल्याचा दावा केला
ही इमारत बनवताना सर्व मान्यता घेऊन रहिवाशांच्या सुरक्षिततेची (Safety) काळजी घेण्यात आल्याचे सुपरटेकच्या अध्यक्षांनी सांगितले. पण जी वास्तू मी मेहनतीने तयार केली, सर्वोच्च न्यायालयाने ती पाडण्याचे आदेश दिले.
ते पुढे म्हणाले की, ही वास्तू आम्हीच बांधली आणि ती पाडण्याचा खर्चही आम्हीच उचलला असे तुम्हाला वाटते. मात्र, सर्वोच्च न्यायालयाच्या आदेशाचे आम्ही पूर्ण पालन केले आहे.
रात्रभर मी विचार करत राहिलो की इमारत नीट कोसळली पाहिजे आणि ती कोसळल्यामुळे इतर कोणत्याही इमारतीचे नुकसान होऊ नये.
इतर प्रकल्पांवर परिणाम होणार नाही
सुप्रीम कोर्टाच्या (Supreme Court) कठोरतेमुळे ट्विन टॉवर पाडल्यामुळे कंपनीच्या इतर प्रकल्पांवर काय परिणाम होणार? या प्रश्नाला उत्तर देताना अरोरा म्हणाले की, गेल्या 40 वर्षांत आम्ही 70,000 हून अधिक घरांचा ताबा गृहखरेदीदारांना दिला आहे.
भविष्यातही आम्ही वेळेवर ताबा देऊ, ट्विन टॉवरवरील कारवाईचा आमच्या कोणत्याही प्रकल्पावर परिणाम होणार नाही. सुपरटेकच्या विविध प्रकल्पांमध्ये सुमारे 20,000 फ्लॅट्सचे बांधकाम सुरू आहे.
आरके अरोरा म्हणाले की, घर खरेदी करणाऱ्यांनी घाबरून जाण्याची गरज नाही. सर्व प्रकल्पांचे 70 ते 80 टक्के काम पूर्ण झाले असून, खरेदीदारांना वेळेवर घर मिळणार आहे.
अरोरा म्हणाले – आम्ही भ्रष्टाचारात सहभागी नाही
आरके अरोरा म्हणाले की, ते 40 वर्षांपासून या क्षेत्रात काम करत आहेत. ते म्हणाले की, आम्ही कोणत्याही प्रकारच्या भ्रष्टाचारात (Corruption) सहभागी नाही. आम्ही सर्व प्रकल्प नियम व अटींसह मंजुरी घेऊन पूर्ण केले.
विशेष म्हणजे ट्विन टॉवर्सच्या 30 आणि 32 मजली इमारती रविवारी 9000 छिद्रांसह 3,700 किलो बारूदचा स्फोट करून पाडण्यात आल्या.
दरम्यान, जिथून वादाला सुरुवात झाली. म्हणजेच 18 मीटरपेक्षा जास्त उंचीच्या इमारतींमधील अंतर, अशा इमारतींमध्ये 6 मीटरची जागा असावी, असे अरोरा (Arora) म्हणाले, मात्र आम्ही 9.78 मीटर अंतर ठेवले होते.
