Honda Bike : भारतीय बाजारात होंडा या कंपनीचे नाव चांगलेच गाजले आहे. या कंपनीने कमी कालावधीत ग्राहकांच्या मनात आपली जागा निर्माण केली आहे. कंपनी सतत नवनवीन फीचर्सच्या बाईक्स लाँच करत असते.
तसेच काही बाइक्सवर सवलत देत असते. अशातच आता कंपनी Honda CB300F या बाईकवर जबरदस्त सवलत देत आहे. ही ऑफर फक्त 31 डिसेंबरपर्यंत वैध असणार आहे.
होंडाने Honda CB300F नेकेड स्ट्रीट फायटर बाईक ऑगस्ट 2022 मध्ये लाँच केली होती. डिलक्स आणि डिलक्स प्रो या दोन प्रकारांमध्ये मोटरसायकल ऑफर करण्यात आली असून मूळ किंमत अनुक्रमे 2.26 लाख आणि 2.29 लाख रुपये इतकी होती.
तसेच 300 cc ने सुसज्ज असलेल्या या बाईकची नवीन किंमत नवीन Honda CB300F Deluxe साठी 1.76 लाख रुपये तर Deluxe Pro साठी 1.79 लाख रुपये झाली आहे. हे लक्षात घ्या की वर नमूद केलेल्या नवीन किमती 50,000 रुपयांपर्यंत सूट दिल्यानंतर आहेत.
या बाइक्सपेक्षा स्वस्त झाली
ऑफरमुळे ही बाईक आता KTM Duke 125 आणि Bajaj Dominar 250 पेक्षा स्वस्त झाली आहे. Duke 125 ची किंमत 1.78 लाख रुपये आणि Dominar 250 ची किंमत 1.75 लाख रुपये आहे. नवीन किंमतीवर कंपनीने दिलेली 50,000 सवलत फक्त स्टॉक असेपर्यंत वैध आहे.
या बाइकमध्ये कंपनीने 293.52 सीसी सिंगल-सिलेंडर फोर-स्ट्रोक SOHC ऑइल-कूल्ड फ्यूल-इंजेक्टेड इंजिन दिले आहे. जे CB300R वर सापडलेल्या 286 cc लिक्विड-कूल्ड युनिटच्या उलट आहे.
हे 7,500rpm वर 24.5hp चा कमाल पॉवर आउटपुट तर 5,500rpm वर 25.6Nm चा पीक टॉर्क जनरेट करत असून पॉवरट्रेनसाठी ते स्लिपर आणि असिस्ट क्लचसह सहा-स्पीड ट्रान्समिशनशी जोडले आहे.
