Chanakya Niti : आचार्य चाणक्य यांची कुशाग्र बुद्धी आणि अचूक तर्क यामुळे बरीच लोक खूप भारावून जात आहेत. याच कारणानं त्यांना कौटिल्य म्हणतात. आचार्य चाणक्य हे एक कुशल राजनीतिज्ञ, चतुर कुटनीतिज्ञ आणि प्रकांडपंडित अर्थशास्त्रज्ञ म्हणून सर्वत्र ओळखले जात आहेत.
आचार्य चाणक्यांनी त्यांच्या नीतिशास्त्रात अनेक महत्त्वाच्या गोष्टी सांगितल्या आहेत. त्यांनी सांगितलेल्या काही महत्त्वाच्या गोष्टींचे तुम्ही पालन केले तर तुम्ही तुमच्या जीवनात खूप यशस्वी होऊ शकता. इतकेच नाही तर तुम्हाला समाजात सन्मान मिळेल. कोणत्या आहेत या गोष्टी पहा.
कोणतेही कामे पुढे ढकलू नका
आचार्य चाणक्यांनी आपल्या चाणक्य धोरणात असे सांगितले आहे की, कोणतेही काम कधीही उद्यासाठी पुढे ढकलू नका. आज मिळालेले काम आजच पूर्ण करा. जे आपले काम उद्यासाठी पुढे ढकलत नाहीत, ते जीवनात नक्कीच यशस्वी होतात इतकेच नाही तर अशा लोकांना समाजात खूप मान-सन्मानही दिला जातो.तुम्हाला जे काही काम करायचे आहे ते आज आणि आत्ताच करा. त्यामुळे तुमची कामे वेळेवर होतील शिवाय तुमच्या इतर कामांसाठी वेळही वाचला जाईल.
इतरांचा आदर करणे गरजेचे
चाणक्य नीतीमध्ये असे सांगण्यात आले आहे की जर एखाद्या व्यक्तीला जीवनात यश आणि सन्मान मिळवायचा असल्यास त्याने प्रथम इतरांचा आदर कसा करावा हे जाणून घेणे महत्त्वाचे आहे. कारण जेव्हा तुम्ही इतरांना आदर द्याल तेव्हाच तुम्हाला आदर देण्यात येईल.
आचार्य चाणक्य पुढे असेही म्हणतात की कुणालाही स्वतःहून लहान किंवा कमकुवत समजण्याची चूक करू नका. कारण सन्मानाच्या बदल्यात आदर नक्कीच दिला जातो. जर तुम्ही तुमच्यापेक्षा खालच्या दर्जाच्या व्यक्तीशी आदराने बोललात तर तुम्ही इतरांच्या नजरेत आदराचे पात्र बनता. जो व्यक्ती आपल्या आयुष्यात या दोन गोष्टींची काळजी घेतो त्याला नक्कीच यश प्राप्त होते.
