Krushi news : मित्रांनो भारतात मोठ्या प्रमाणात भाजीपाला वर्गीय पिकांची लागवड (Vegetable Cultivation) केली जाते. भाजीपाला कमी दिवसात उत्पादन देण्यास तयार होत असल्याने शेतकरी बांधव (Farmers) याच्या लागवडीकडे आता मोठ्या प्रमाणात वळले आहेत.
शिवाय भाजीपाला शेती साठी उत्पादन खर्च देखील कमी लागत असल्याने शेतकरी बांधव यांची शेती आता मोठ्या प्रमाणात करीत आहेत. कारले देखील एक प्रमुख भाजीपाला वर्गीय पीक आहे. याची शेती भारतात जवळपास सर्वत्र बघायला मिळते.
आपल्या राज्यातही कारल्याची शेती (Bitter Gourd Farming) केली जाते. आज आपण कारल्याची शेती शेतकरी बांधवांना कशा पद्धतीने फायदेशीर ठरू शकते याविषयी जाणून घेणार आहोत.
मित्रांनो कारले चवीला कडू मात्र त्याच्या याचं चवीसाठी कारले प्रसिद्ध आहे. मात्र असे असले तरी अनेकांना ते आवडत नाही. पण त्यात अनेक औषधी गुणधर्म असतात आणि यामुळेच लोक कारल्याचा जेवणात मोठ्या प्रमाणावर समावेश केला जातो.
याच कारल्याची लागवड करून बुंदेलखंडमधील शेतकरी एक नवी यशोगाथा लिहीत आहेत. आज ते या प्रदेशातील मुख्य पीक म्हणून उदयास आले आहे आणि शेतकरी त्याच्या लागवडीतून मोठी कमाई करत आहेत.
उत्तर प्रदेशातील हमीरपूर जिल्ह्यातील शेतकरी प्रामुख्याने बेतवा नदीच्या तराई प्रदेशात कारले पिकवतात. येथून जाणाऱ्या बेटवा नदीच्या काठावर शेकडो एकर क्षेत्रात कारल्यांची लागवड केली जाते.
येथील शेतकरी दररोज राज्यातील अनेक जिल्ह्यांमध्ये मोठ्या प्रमाणात कारले विक्रीसाठी पाठवतात. येथील कारले आरोग्यासाठी अतिशय फायदेशीर मानली जातात, कारण बेटवा नदीच्या पाण्यात अनेक औषधी गुणधर्म असल्याचा दावा केला जातो यामुळे या प्रदेशात उत्पादित झालेल्या कार्याला मोठी मागणी आहे. शेतकरी कारले नदीच्या पात्रात पिकवतात आणि नदीच्या पाण्यानेचं पाणी देखील देतात.
कारल्याची लागवड कशी केली जाते?
तसे पाहता, कारल्याची पेरणी खरीप आणि उन्हाळी या दोन्ही हंगामात केली जाते. कारल्याच्या लागवडीसाठी हेक्टरी 5 किलो बियाणे लागते. कृषी क्षेत्रातील जाणकार लोकांच्या मते, कारल्याच्या बिया पेरल्यानंतर त्यापासून वेल तयार होते, तेव्हा त्या रोपाची वेल उपटून रोपवाटिका तयार केली जाते.
खरीप हंगामात पेरलेल्या कारल्यापासून लागवडीचे अंतर 60 सें.मी. आणि रोपांच्या ओळीत 2 मीटर ते 2.25 मीटर अंतर ठेवले जाते. दुसरीकडे, उन्हाळी हंगामात, रोपापासून रोपापर्यंतचे अंतर 60 सेमी आहे आणि रोपाच्या ओळीचे 1 मीटर ते 1.25 मीटर अंतर ठेवले जाते.
कारल्याचे उत्पादन खरिपात 180 ते 200 क्विंटल/हेक्टरी आणि उन्हाळी हंगामात 150 ते 170 क्विंटल/हेक्टरी असते. या कडाक्याच्या उन्हात देखील बेटवा नदीकाठी कारले पिकवल जात आहे. यामुळे शेतकऱ्यांना उन्हाळी हंगामात चांगला नफा देखील मिळत आहे.
