Mangal Shukra Shani Yuti 2024 : वैदिक ज्योतिषशास्त्रात सर्व ग्रह विशेष आहेत. प्रत्येक ग्रहाला वेगळे महत्व आहे. राशिचक्र बदलादरम्यान, ग्रहांचा संयोग तसेच विशेष राजयोग तयार होतात. अशातच मार्च महिन्यात एका राशीत तीन ग्रह एकत्र येणार आहेत, ग्रहांचा हा महासंयोग काही राशींसाठी खूप फलदायी मानला जात आहे.
तब्बल 75 वर्षांनंतर कुंभ राशीत तीन मोठे ग्रह एकत्र येणार आहेत. १६ मार्चला शनि, शुक्र आणि मंगळ हे ग्रह एकत्र येणार आहे. सध्या शनि कुंभ राशीत स्थित आहे. 7 मार्च रोजी शुक्र या राशीत प्रवेश करेल. तर 15 मार्च रोजी मंगळ देखील याच राशीत प्रवेश करेल. या संयोगाचा सर्व राशीच्या लोकांवर नकारात्मक आणि सकारात्मक प्रभाव पडेल. पण ग्रहांच्या या महाभेटीमुळे काही राशींना फायदा होईल, कोणत्या आहेत त्या राशी चला पाहूया…
तूळ
तूळ राशीच्या लोकांसाठी ग्रहांचा हा संयोग शुभ सिद्ध होईल. तुम्हाला तुमच्या मुलाकडून काही चांगली बातमी मिळू शकते. विवाहाची शक्यता राहील. कुटुंबात समृद्धी येईल. तुम्हाला अचानक पैसे मिळू शकतात.
मिथुन
ग्रहांच्या या मिलनाचा मिथुन राशीच्या लोकांवर सकारात्मक प्रभाव पडेल. आर्थिक लाभ आणि यश मिळण्याची शक्यता आहे. करिअर आणि व्यवसायाशी संबंधित चांगली बातमी ऐकू येईल.
कुंभ
कुंभ राशीच्या लोकांसाठी शुक्र, मंगळ आणि शनीचा युती देखील फायदेशीर ठरेल. आत्मविश्वास वाढेल. समाजात मान-सन्मान वाढेल. पदोन्नतीची शक्यता आहे. व्यवसायात लाभ होईल. वैवाहिक जीवन आनंदी राहील.
मेष
मेष राशीच्या लोकांसाठीही ग्रहांचा हा संयोग शुभ राहील. उत्पन्नाचे नवीन स्रोत निर्माण होतील. करिअर आणि व्यवसायात फायदा होईल. नोकरीच्या नवीन संधी उपलब्ध होऊ शकतात. वडिलोपार्जित संपत्तीतून लाभ होईल.
