Eating Chia Seeds Benefits : केस निरोगी ठेवण्यासाठी, पोषण आणि केसांची काळजी दोन्ही आवश्यक आहे. पौष्टिकतेची कमतरता तुम्ही सकस आहाराने पूर्ण करू शकता. पण केसांना चमक आणण्यासाठी फक्त काळजी घेणे आवश्यक नाही तर आहारात अशा अनेक गोष्टींचा समावेश केला पाहिजे ज्याने तुमचे केस दाट होण्यास मदत होईल.
चिया सीड्स तुमच्यासाठी फायदेशीर ठरू शकते. यामध्ये असलेले पोषक तत्व केसांच्या अनेक समस्यांपासून आराम देतात. रोजच्या आहारात चिया सीड्सचा समावेश केल्यास केसांना अनेक फायदे मिळतात. या लेखात चिया सीड्स केसांसाठी कसे फायदेशीर आहे जाणून घेऊया…
केसांच्या आरोग्यासाठी चिया सीड्सचे फायदे :-
-केसांच्या निरोगी वाढीसाठी देखील चिया सीड्स फायदेशीर आहेत. केसांच्या वाढीसाठी आवश्यक असलेल्या अमीनो ॲसिडमध्ये भरपूर प्रमाणात असते. याच्या सेवनाने केस लवकर वाढतात.
-जीवनसत्त्वे आणि खनिजांसोबतच यामध्ये प्रथिने आणि फॉस्फरस देखील असतात. हे सर्व पोषक केसांचे फायबर टिकवून ठेवण्यास मदत करतात. याच्या सेवनाने केस मजबूत राहतात.
-चिया सीड्स सेवन केल्याने केसांची चमकही कायम राहते. यामध्ये झिंक असते ज्यामुळे केस खराब होण्यापासून बचाव होतो. झिंकमुळे केसांच्या नवीन पेशी तयार होण्यासही मदत होते.
-चिया सीड्स सेवन केल्याने केस गळणे देखील कमी होते. हे मुळे मजबूत करण्यासाठी आणि केस गळणे कमी करण्यासाठी उपयुक्त आहे. चिया बियांमध्येही तांबे असते. हे रक्त परिसंचरण वाढवण्यास आणि टाळूचे आरोग्य राखण्यास मदत करते.
अशा पद्धतीने करा सेवन
तुम्ही चिया बिया रात्रभर दुधात किंवा पाण्यात भिजवून घेऊ शकता. तुम्ही चिया सीड्सपासून स्मूदी किंवा शेक देखील तयार करू शकता आणि ते खाऊ शकता. तुम्ही ते कोणत्याही थंड डिशमध्ये घालून खाऊ शकता. अशा प्रकारे तुम्ही दररोज सेवन करू शकता.
