बारीक होण्यासाठी लोकं व्यायाम, डाएट आणि इतरही अनेक उपाय करत असतात.जंक फूड तसेच शीत पेय पिल्यामुळे लठ्ठपणा वाढतो तसेच जेवणाच्या वेळा योग्य नसतील तरी सुद्धा लठ्ठपणा वाढतो.अनेक लोकांना शिक्षण,नोकरी यामुळे घरापासून दूर राहावे लागते.तर कधी घरी राहून सुद्धा डबा नेणे शक्य होत नसल्यामुळे बाहेर खावेच लागते.आता बाहेर खाणार म्हटल्यावर आपले वजन वाढणार, हे ओघानेच आले.पण आता बाहेरचे खाऊन सुद्धा काही गोष्टींचे पालन केले तर तुम्ही बारीक राहू शकता.
ऑर्डर केलेले पदार्थ न लाजता बदलून घ्या
तुम्ही ऑर्डर केलेले पदार्थ आल्यानंतर ते कसे आहेत हे तपासून बघा.ते पदार्थ खूप तेलकट किंवा मसालेदार असतील किंवा तसे वाटल्यास न लाजता ते पदार्थ परत करा आणि दुसरी ऑर्डर मागवा.कारण तुम्ही वजन कमी करण्यासाठी डाएट करत असाल तर ती गोष्ट इतर कोणत्याही गोष्टीपेक्षा जास्त महत्त्वाची असते.
त्यामुळे एक तर सुरुवातीलाच आपण ऑर्डर करत असलेला पदार्थ योग्य आहे की नाही, हे तपासून पाहा आणि जर ते वेळीच लक्षात आले नाही तर ऑर्डर बदलून घ्या.
जेवणात समतोल ठेवा
बाहेर खात असाल तर ते जेवण अन्नघटकांचा समतोल ठेवणारे आहे का याची काळजी घ्या. स्निग्ध पदार्थ आणि जास्त कार्बोहायड्रेट असलेले अन्नपदार्थ जेवणात नसतील याची काळजी घ्या.आहार समतोल असेल तर वजन कमी करणे सोपे होईल. त्यामुळे आहारात सूप, सॅलड असेल, असे बघा.
वेगळ्या पर्यायांचा विचार करा
तुम्हाला चहा किंवा पाणी प्यावेसे वाटल्यास थोडे थांबून एखादे सरबत किंवा नारळ पाणी घ्या. चहा किंवा कॉफी पेक्षा ते कधीही चांगले. तसेच चीज आणि बटर खावेसे वाटले तरीही आपल्या मनावर थोडा ताबा ठेवून ते टाळा. भूक लागल्यावर समोसा, वडा असे पदार्थ खाण्यापेक्षा ढोकळा, इडली, सँडविच अशा पदार्थांना प्राधान्य द्या.
सावकाश खा
अनेकांना भराभर खाण्याची सवय असते. मात्र, ही सवयही वजन वाढण्यास कारणीभूत ठरू शकते. त्यामुळे सावकाश प्रत्येक घास योग्य पद्धतीने चावून खाणे आरोग्यासाठी चांगले असते. त्यामुळे घाई न करता खाल्ल्यास वजन वाढण्यावर निर्बंध येऊ शकतो. त्यामुळे या गोष्टीचा गांभीर्याने विचार करा.
