Foods You Should Not Refrigerate : आजच्या या काळात महिला आणि पुरुष दोघेही काम करत आहेत, म्हणूनच धावपळीच्या या दिवसात महिला मार्केटमधून रोज भाजी आणू शकत नाहीत, अशा स्थितीत महिला आठवडाभराची भाजी एकदम आणतात आणि फ्रिजमध्ये जमा करतात. पण तुम्हाला माहिती आहे का? काही भाज्या जास्त काळ फ्रिजमध्ये ठेवल्याने आरोग्यावर वाईट परिणाम होऊ शकतात, तसेच त्या भाज्यांची चव देखील खराब होते. आजच्या या लेखात आपण अशाच भाज्यांबद्दल जाणून घेणार आहोत, ज्या कधीही फ्रिजमध्ये ठेवू नयेत. चला तर मग…
फ्रिजमध्ये कोणत्या भाज्या ठेवू नयेत?
लाल भोपळा
लाल भोपळ्यामध्ये बीटा कॅरोटीन चांगल्या प्रमाणात असते, भोपळा एक शक्तिशाली अँटिऑक्सिडेंट आहे. यासोबतच यात व्हिटॅमिन सी, फायबर आणि पोटॅशियमसारखे पोषक घटक आढळतात. अशास्थितीत भोपळा थंड जागी महिनोनमहिने साठवून ठेवता येतो, पण जर तुम्ही रेफ्रिजरेटरमध्ये भोपळा ठेवला तर त्याच्या चवीवर परिणाम होतो आणि तो लवकर खराब होतो.
दुधी भोपळा
लाल भोपळ्याप्रमाणेच दुधी भोपळा देखील रेफ्रिजरेटरमध्ये ठेवू नये. तुम्ही दुधी भोपळा जेव्हा विकत आणाल तेव्हाच त्याचा वापर करा आणि एकाच वेळी शिजवून खा, दुधी भोपळा फ्रिजमध्ये ठेवल्यास त्यातील पोषक घटक कमी होतात आणि ते लवकर खराब होऊ लागतात.
काकडी
काकडी देखील रेफ्रिजरेटरमध्ये ठेवल्यास त्याची चव खराब होते. फ्रीजमध्ये पाण्याने भरलेली काकडी ठेवल्यास ती कोरडी होऊ लागते. याशिवाय पाणी कोरडे पडल्याने रेफ्रिजरेटरमध्ये ठेवलेल्या काकड्यांची पोषकतत्त्वेही कमी होतात.
बटाटा
कच्चा बटाटा कधीही रेफ्रिजरेटरमध्ये ठेवू नये, कच्चा बटाटा रेफ्रिजरेटरमध्ये ठेवल्याने ते कुजतात. रेफ्रिजरेटरमध्ये बटाटे ठेवल्यास ठेवल्यास त्याला कोंब येते म्हणून कधीही कच्चे बटाटे रेफ्रिजरेटरमध्ये ठेवू नका.
कांदा आणि लसूण
कांदे आणि लसूण रेफ्रिजरेटरमध्ये ठेवल्यास त्यांना कोंब येऊ लागते, यासोबतच रेफ्रिजरेटरच्या थंडपणामुळे ते लवकर सडू लागतात. कांदा आणि लसूण फ्रीजमध्ये ठेवल्याने त्याचा सुगंध इतर पदार्थांमधूनही येऊ लागतो. आपण कांदा आणि लसूण थंड, स्वच्छ ठिकाणी उघड्यावर ठेवू शकता.
