Cold Water Side Effects : सर्वत्र प्रचंड उन्हाळा वाढला आहे. अशा परिस्थितीत लोक स्वतःला हायड्रेट ठेवण्यासाठी वेगवेगळ्या प्रकारची पेये पितात. या पेयांमध्ये लस्सी, ताक, रस, नारळ पाणी इत्यादींचा समावेश करतात. पण यात बहुतांश लोकांना थंड पाणी प्यायला आवडते. घरी असो किंवा बाहेर, अनेक लोकं थंड पाण्याचा वापर वारंवार करतात.
पण तुम्हाला माहिती आहे का? थंड पाणी तुमच्या आरोग्याला हानी पोहचू शकते. विशेषतः फ्रीजमधलं थंड पाणी तुमच्या आरोग्यासाठी खूप हानिकारक मानले जाते. आजच्या या लेखात आपण याबद्दलच जाणून घेणार आहोत.
-थंड पाणी किंवा कोणत्याही प्रकारचे थंड पेय तुमची पचनशक्ती कमजोर करते. कारण योग्य पचनासाठी उष्णता आवश्यक असते. जी तुमच्या तोंडापासून सुरू होऊन आतड्यात संपते. अशा परिस्थितीत थंड पाणी तुमच्या पचनक्रियेत अडथळा ठरू शकते. याशिवाय थंड पाण्यामुळे रक्तवाहिन्या आकसतात. त्यामुळे पचनाशी संबंधित समस्या उद्भवू लागतात.
-थंड पाण्यामुळे तुमच्या शरीरातील हृदयाचे ठोके कमी होतात. कारण थंड पाणी प्यायल्याने रक्तवाहिन्या आकसतात. त्यामुळे तुमच्या हृदयाचे ठोके कमी होतात. त्यामुळे हृदयविकाराचा धोका वाढतो. विशेषतः फ्रीजचे थंड पाणी.
-बाहेरून येणारे थंड पाणी किंवा फ्रीजचे पाणी यामुळे डोकेदुखी होऊ शकते. खरं तर, थंड पाणी प्यायल्याने मणक्याच्या अनेक नसा काही काळ थंड होतात. आणि काही काळानंतर त्याचे विपरीत परिणाम जाणवू लागतात.
-थंड पाणी प्यायल्याने वजन वाढण्याची समस्या उद्भवू शकते. ज्यांना वजन कमी करायचे आहे त्यांनी थंड पाणी पिऊ नये. कारण थंड पाण्यामुळे शरीरातील चरबी जाळण्यास त्रास होतो. रेफ्रिजरेटरच्या पाण्यामुळे तुमच्या शरीरातील चरबी कडक होते, ज्यामुळे तुमचे वजन कमी होत नाही.
