High Cholesterol : खाण्यापिण्याच्या चुकीच्या सवयी यामुळे सध्या उच्च कोलेस्टेरॉलची सामान्य बनली आहे. प्रत्येक दुसऱ्या व्यक्तीला ही समस्या जाणवते. या समस्येमध्ये वेळीच उपचार आणि प्रतिबंध न केल्यास रुग्ण हृदयविकाराचा बळी ठरतो. ही समस्या जास्त तळलेले आणि फॅटी फूड खाल्ल्याने जास्त वाढू लागते.
आपल्या शरीरात दोन प्रकारचे कोलेस्टेरॉल तयार होतात – एक म्हणजे उच्च घनता लिपोप्रोटीन (HDL) ज्याला चांगले कोलेस्ट्रॉल म्हणतात आणि दुसरे म्हणजे लो डेन्सिटी लिपोप्रोटीन (LDL) ज्याला वाईट कोलेस्ट्रॉल म्हणतात. जेव्हा शरीरात वाईट कोलेस्टेरॉल वाढते तेव्हा त्याला उच्च कोलेस्टेरॉल म्हणतात. जेव्हा तुमच्या शरीरात वाईट चरबी वाढते तेव्हा ती शिरांमध्ये जमा होते. अशास्थितीत हृदयविकाराचा धोका अधिक वाढतो. म्हणूनच यावर वेळीच उपचार करणे गरजेचे आहे. आज आम्ही तुम्हाला घरगुती उपाय सांगणार आहोत, ज्याच्या वापराने तुम्ही वाढलेले कोलेस्ट्रॉल कमी करू शकता.
मेथी आणि मध वाढलेले कोलेस्ट्रॉल कमी करण्यासाठी खूप फायदेशीर ठरते. उच्च कोलेस्ट्रॉलमध्ये मेथी आणि मधाचा चहा पिणे खूप फायदेशीर आहे. यामध्ये असलेल्या औषधी गुणधर्मामुळे अनेक गंभीर समस्यांपासून मक्ती मिळवण्यासाठी प्राचीन काळापासून याचा वापर केला जात आहे. मेथीच्या दाण्यांपासून बनवलेला चहा मधात मिसळून प्यायल्याने केवळ उच्च कोलेस्ट्रॉलमध्ये आराम मिळत नाही, तर त्याचे सेवन वजन कमी करण्यासाठीही फायदेशीर ठरते.
यामध्ये, अँटी-ऑक्सिडंट, कॅल्शियम, लोह, फॉस्फरस, अँटी-इंफ्लेमेटरी, व्हिटॅमिन ए, व्हिटॅमिन डी आणि फायबर गुणधर्म मेथीच्या बियांमध्ये आढळतात. ते सेवन केल्याने उच्च कोलेस्ट्रॉल कमी होण्यास मदत होते.
मेथी आणि मधाच्या चहा व्यतिरिक्त, सकाळी भिजवलेल्या मेथीचे सेवन उच्च कोलेस्ट्रॉल कमी करण्यासाठी खूप फायदेशीर आहे. यामध्ये असलेले फायबर आणि अँटी-ऑक्सिडंट गुणधर्म शरीरातील खराब कोलेस्ट्रॉल कमी करण्यास मदत करतात.
मेथी आणि मधाचा चहा कसा बनवायचा?
उच्च कोलेस्ट्रॉलपासून मुक्त होण्यासाठी, मेथी दाणे रात्रभर पाण्यात भिजत ठेवा, नंतर सकाळी चांगले उकळवा आणि पाणी गाळून घ्या. आता या पाण्यात एक चमचा मध मिसळून प्या. काही दिवस रिकाम्या पोटी याचे नियमित सेवन केल्यास उच्च कोलेस्टेरॉल कमी करण्यात फायदा होईल. याशिवाय मेथी आणि मधाच्या चहाचे सेवन मधुमेह आणि लठ्ठपणाच्या समस्येवर देखील फायदेशीर आहे.
