Personality Test : आपल्या दैनंदिन जीवनात आपण हजारो लोकांना भेटतो. प्रत्येक व्यक्तीचे व्यक्तिमत्व हे वेगळे असते. अनेकदा आपण समोर असलेल्या व्यक्तीच्या स्वभावाचा अंदाज त्याच्या बोलण्यावरून लावतो. पण बोलण्यावरून एखाद्या व्यक्तीच्या स्वभावाचा अंदाज लावणे कठीण आहे. ती व्यक्ती खरोखर कशी आहे आणि तिच्या मनात कोणत्या प्रकारचे विचार आहेत. हे जाणून घेणे खूप कठीण आहे.
पण आपण, व्यक्तीच्या बोलण्याव्यतिरिक्त त्याच्या शरीराची हालचाल, डोळे, कपडे, चप्पल आणि शूज यांवरून देखील समोरच्या खूप काही जाणून घेऊ शकतो. होय, हात, पाय, डोळे, नाक यांच्या आकाराच्या आधारे तुम्ही समोरचा व्यक्ती कसा आहे हे सहज ओळखू शकता. आजच्या या लेखात आम्ही तुम्हाला फुटवेअर घालण्याच्या स्टाईलवरून समोरच्या व्यक्तीचा स्वभाव कसा ओळखला जाऊ शकतो, हे सांगणार आहोत. चला तर मग…
फ्लॅट शूज
काही लोकांना फ्लॅट शूज घालायला आवडतात. या प्रकारच्या लोकांना वेगळी ओळख अजिबात निर्माण करायची नसते. या लोकांना अटेंशनची भूक नसते. त्यांना एकटे राहायला आवडते. त्यांना अनेकदा पडद्यामागे काम करायला आवडते.
बूट
काही लोकांना बूट घालायची सवय असते तर काही लोक छंद म्हणून घालतात. अशा लोकांना त्यांच्या आयुष्यात होणाऱ्या बदलांसोबत कसे पुढे जायचे हे चांगलेच माहीत असते. त्यांना नेहमी त्यांच्या आजूबाजूच्या लोकांपेक्षा काही पावले पुढे चालणे आवडते. येणा-या समस्यांना हे लोक धैर्याने सामोरे जातात. परिस्थिती कशीही असो, त्यांना सहज सामोरे कसे जावे हे माहीत असते.
स्पोर्ट्स शूज
काही लोकांना रनिंग शूज किंवा स्पोर्ट्स शूज घालायला आवडतात. असे लोक आपल्या आरोग्याबाबत खूप जागरूक असतात. ते फिटनेसकडे खूप लक्ष देतात. हे लोक आत्मविश्वासाने भरलेले असतात.
हिल्स
काही लोकांना उंच टाचांचे शूज घालणे आवडते. महिला अनेकदा अशा प्रकारचे शूज घालताना दिसतात. अशा लोकांमध्ये आत्मविश्वास भरलेला असतो. त्यांना त्यांच्या आयुष्यात काय करायचे आहे हे स्पष्टपणे माहित असते.
