Health Tips : भारतीय घरांमध्ये डाळ-भात हा आहाराचा एक महत्त्वाचा भाग आहे. तसेच हे आरोग्यसाठी देखील फायदेशीर मानले जाते. तूर डाळ आणि तांदूळ यांच्यात अँटिऑक्सिडंट्स, निरोगी चरबी, प्रथिने, फायबर, जीवनसत्त्वे ए, डी, ई, बी1, मेथिओनिन, प्रतिरोधक स्टार्च आणि इतर अनेक आवश्यक जीवनसत्त्वे आणि खनिजे आढळतात. म्हणूनच याचे एकत्र सेवन शरीरासाठी खूप फायदेशीर मानले जाते.
डाळ भाताचे एकत्र सेवन हृदय निरोगी ठेवण्यापासून, रक्तातील साखर नियंत्रित ठेवण्यापर्यंत मदत करते. हेच कारण आहे की, बहुतेक फिटनेस फ्रीक हे खाण्यास प्राधान्य देतात, जर तुम्ही रोज डाळ भाताचे सेवन केले तर याचे आरोग्यासाठी अनेक फायदे होतात, विशेषत: रात्रीच्या जेवणात. आजच्या लेखात आम्ही याच्या फायद्यांबद्दल सविस्तर माहिती देणार आहोत. चला तर मग…
डाळ भात खाण्याचे फायदे :-
-या धावपळीच्या युगात पचनशक्ती कमकुवत असल्याने अन्नाचे पचन नीट होत नाही, म्हणून रात्री हलके जेवण करणे योग्य ठरते. डाळ-भात हे हलके अन्न आहे, ते पचायला सोपे आहे आणि त्याचे फायदे तुम्हाला सहज मिळतात.
-हे पचायला सोपे असण्यासोबतच ते तुम्हाला चांगली झोप घेण्यासही मदत करतात. हे तुम्हाला जलद झोपायला आणि झोपेची गुणवत्ता सुधारण्यास मदत करते. चांगल्या झोपेमुळे तुमचा पुढचा दिवस देखील चांगला जातो.
-प्रथिने आणि फायबर सारख्या अत्यावश्यक पोषक तत्वांनी भरलेले हलके जेवण जास्त काळ तुमचे पोट भरून ठेवेल. यामुळे तुम्हाला रात्रीच्या वेळी अनारोग्यकारक पदार्थांची लालसा होत नाही. डाळ-भात पचन सुधारण्यासाठी आणि चयापचय वाढवण्यासाठी देखील खूप उपयुक्त आहे. जे अतिरिक्त कॅलरीज बर्न करण्यास देखील मदत करते.
-रात्रीच्या जेवणात डाळ-भात खाल्ल्यास पोटाच्या समस्यांपासूनही बचाव होतो. कारण हे पचण्यास सोपे आहे, त्यामुळे सकाळी मलविसर्जनात अडचण येत नाही, तसेच बद्धकोष्ठता, अपचन, पोटात गॅस, फुगणे यासारख्या समस्याही दूर होतात.
-यात प्रथिने, कॅल्शियम आणि इतर अनेक आवश्यक पोषक तत्व आहेत, हे संयोजन स्नायू तयार करण्यास मदत करते. यासोबतच हाडे आणि दातही मजबूत होतात.
-तुमच्या माहितीसाठी हे एक नैसर्गिक प्रोबायोटिक आहे, त्यामुळे ते आतड्यांतील चांगल्या जीवाणूंना प्रोत्साहन देते आणि पोटाच्या समस्या टाळते.
