सायबेरियन वाळवंटात जगातील सर्वात थंड गाव आहे. या गावात उणे ४० अंशांच्या उष्ण तापमानाला दुपार मानली जाते आणि उणे ६८ अंश तापमानाला सहन करण्यायोग्य मानले जाते. येथील जीवन हे ‘डीप फ्रीजर’ मध्ये राहण्यासारखे आहे. या गावाचे नाव ‘याकुतिया’ आहे, जे पृथ्वीवरील सर्वात थंड ठिकाणापैकी एक मानले जाते. येथील लोकांची जीवनशैली खूपच आव्हानात्मक आहे.
रशियातील वाकृतिया गाव एक सुंदर ठिकाण आहे. आपल्यापैकी अनेकांना तिथे काही मिनिटे घालवणेही कठीण आहे. इथले लोक सकाळी उठल्यानंतर सर्वप्रथम लाकूड गोळा करतात आणि मग ते चूल पेटवून घरात उबदार वातावरण तयार करतात, घरे बहुतेकदा काँक्रीटच्या ढिगाऱ्यावर बांधली जातात, थंड हवामानाचा सामना करण्यासाठी आणि कमीत कमी थंडीचा सामना करावा लागावा यानुसार घरे बांधली जातात.
थंडीपासून स्वतःचे रक्षण करण्यासाठी, येथील लोक अधिक कपडे घालतात बहुतेकदा लोकरीचे, उबदार कपडे असतात. लोकांना नेहमी जाड बूट घालावे लागतात. ते त्यांच्याशिवाय क्षणभरही राहू शकत नाहीत.
या भागातील तापमान शून्याच्या खाली जाते तेव्हा मोठ्या प्रमाणात लाकूड जाळून घराला उचदार ठेवले जाते, घरे गरम करण्याव्यतिरिक्त, पिण्याचे पाणी शोधणे हे येथील सर्वात कठीण काम आहे. या गावात कोणत्याही प्रकारची जलवाहिनी नाही. जलशुद्धीकरण सुविधा किंवा प्लम्बिंग प्रणालीचा येथे निभाव लागत नाही.
कारण लोखंडी वाहिन्या २४ तास गोठलेल्या असतात. बर्फाचे तुकडे वितळवून पाणी मिळते. पिण्याच्या पाण्याप्रमाणेच येथे खाण्यापिण्याची समस्या नेहमीच असते, कारण येथे थंडीमुळे काहीच उत्पादन घेता येत नाही.
उबदार महिन्यांत, स्ट्रॉबेरी किंवा दुधापासून बनवलेले अधिक पौष्टिक पदार्थ हिवाळ्यातील कठोर दिवसांसाठी जतन केले जातात, लोकांच्या जेवणात मासे, स्ट्रॉबेरी आणि मलई नियमितपणे असते. येथे राहणाऱ्या लोकांसाठी मासे हे मांसाचा मुख्य स्रोत आहे.
