High Cholesterol : सध्या उच्च कोलेस्ट्रॉलची समस्या सामान्य बनली आहे. ही समस्या व्यक्तीच्या आहार आणि जीवनशैलीशी संबंधित आहे, जर आपण जास्त प्रमाणात तेल आणि मसाल्यांच्या पदार्थांचे सेवन केले तर ही समस्या वेगाने वाढते आणि यामुळे हृदयविकाराचा धोका देखील वाढतो.
जास्त वजन किंवा लठ्ठपणा आणि अल्कोहोलचे सेवन केल्याने देखील कोलेस्ट्रॉल जस्ट वाढू शकते. याशिवाय ताणतणाव हे देखील एक मोठे कारण आहे ज्यामुळे कोलेस्ट्रॉल वाढू शकते. शरीरातील खराब कोलेस्टेरॉलचे प्रमाण हार्मोनल बदलांमुळे आणि अतिरिक्त ताणामुळे रक्तवाहिन्यांच्या स्थितीत बदल होऊ शकते.
उच्च कोलेस्टेरॉलमुळे, हृदयविकारासह अनेक जीवघेण्या परिस्थितींचा धोका वाढतो. शरीरातील वाढलेले वाईट कोलेस्ट्रॉल कमी करण्यासाठी पुदिना आणि लिंबू पाणीचे सेवन फायदेशीर मानले जाते. आज आपण त्याबद्दलच जाणून घेणार आहोत.
पुदिन्याच्या पानांमध्ये असलेले पोषक तत्व आणि गुणधर्म पचनसंस्थेपासून शरीराच्या अनेक गंभीर समस्यांवर फायदेशीर ठरतात. त्यात असलेले फायबर आणि अँटी-ऑक्सिडंट गुणधर्म मदत करतात.
अशातच याचे सेवन केल्याने शरीरातील चांगले कोलेस्टेरॉल वाढवण्यास आणि वाईट कोलेस्टेरॉल कमी करण्यास मदत तसेच लिंबाच्या रसामध्ये देखील असे अनेक गुणधर्म आढळतात, जे शरीरातील वाढलेले खराब कोलेस्ट्रॉल कमी करण्यास मदत करतात.
लिंबूमध्ये असलेले गुणधर्म कमी घनतेच्या फायटिक ऍसिडला रक्त आणि वाहिन्यांमध्ये जमा होण्यापासून रोखण्यास मदत करतात. यामध्ये असलेले सायट्रिक ऍसिड फॅट वितळण्यास मदत करते.
लिंबूमध्ये व्हिटॅमिन सी देखील मुबलक प्रमाणात असते, जे रक्तवाहिन्या मजबूत आणि निरोगी बनवण्यास आणि रक्त परिसंचरण योग्य ठेवण्यास मदत करते.
कोलेस्ट्रॉल जास्त असल्यास पुदिना आणि लिंबू पाणी कसे सेवन करावे?
दररोज सकाळी एक ग्लास कोमट पाण्यात पुदिन्याच्या पानांचा रस आणि लिंबाचा रस मिसळून त्याचे सेवन करावे. या पाण्याचे नियमित सेवन केल्याने हृदयविकाराचा धोका, उच्च कोलेस्ट्रॉल आणि मधुमेहासारख्या समस्या कमी होण्यास मदत होईल. याचे सेवन केल्याने वजन नियंत्रणात राहीलआणि शरीरातील रक्तप्रवाह देखील सुरळीत होईल.
लिंबू पाणी आणि पुदिन्याचे सेवन केल्याने एचडीएल कोलेस्ट्रॉलची पातळी वाढण्यास आणि एलडीएल कोलेस्ट्रॉलची पातळी कमी करण्यास मदत होते.
याशिवाय कोलेस्ट्रॉल कमी करण्यासाठी तुम्ही अल्कोहोलचे सेवन करत असाल तर त्यावर नियंत्रण ठेवा. दररोज उच्च फायबरयुक्त पदार्थ, भाज्या आणि फळे खा. उच्च कोलेस्टेरॉलची लक्षणे दिसू लागल्यास प्रथम डॉक्टरांचा सल्ला घ्या.
