Weight Loss : थंडीत बऱ्याच लोकांचे वजन वाढते, अशास्थितीत लोक वजन कमी करण्यासाठी अनेक उपाय करतात, काहीजण जिम जातात तर काहीजण आहारात बदल करतात. तुम्हीही सध्या वाढत्या वजनामुळे त्रस्त असाल तर आज आम्ही असे एक फळ सांगणार आहोत, ज्याच्या सेवनाने तुम्ही तुमचे वजन आरामात कमी करू शकाल.
थंडीच्या मोसमात द्राक्षे बाजारात मोठ्या प्रमाणात दिसतात. हे रसाळ, गोड आणि आंबट फळ खाण्यास जेवढे स्वादिष्ट आहे तेवढेच ते आरोग्यासाठीही फायदेशीर आहे. यामध्ये व्हिटॅमिन ए, सी, फायबर, प्रोटीन, आयर्न, कॅल्शियम, पोटॅशियम आणि मॅग्नेशियम इत्यादी सोबतच चांगल्या प्रमाणात आढळतात. याशिवाय ते अँटिऑक्सिडेंट गुणधर्मांनी देखील समृद्ध असतात.
जर तुम्ही वजन कमी करण्याचा प्रयत्न करत असाल तर द्राक्षे स्नॅक्सचा एक चांगला पर्याय ठरू शकतात.याचे सेवन केल्याने तुमचे वजन झपाट्याने कमी होण्यास मदत होते. वजन कमी करू इच्छिणारे लोक हा प्रश्न विचारतात की, द्राक्षे खाल्ल्याने वजन कमी होण्यास मदत कशी होऊ शकते? चला तर मग याबद्दल जाणून घेऊया…
वजन कमी करण्यासाठी द्राक्षे कशी फायदेशीर?
द्राक्षाची सर्वात चांगली गोष्ट म्हणजे ते कमी कॅलरी असलेले फळ आहे. प्रत्येक 100 ग्रॅम द्राक्षांमध्ये फक्त 70 कॅलरीज असतात. हे पौष्टिकतेने परिपूर्ण आहे. यामध्ये कार्बोहायड्रेट्स, प्रोटीन आणि फायबर चांगल्या प्रमाणात असतात. वजन कमी करण्यासाठी, आहारात कमी कॅलरीयुक्त पदार्थांचा समावेश करण्याचा सल्ला दिला जातो.
कारण जेव्हा एखाद्या व्यक्तीचे वजन करायचे असते तेव्हा त्याला त्याच्या रोजच्या कॅलरीजपेक्षा 200-300 कमी कॅलरीज वापरावे लागतात. अशा परिस्थितीत आहारात द्राक्षांचा समावेश केल्यास कमी कॅलरीजसह पोट दीर्घकाळ भरलेले राहण्यास आणि आवश्यक पोषण मिळण्यास मदत होते. वजन कमी करू इच्छिणाऱ्या लोकांसाठी हिरवी द्राक्षे एक उत्तम स्नॅक पर्याय ठरू शकतात.
यामध्ये असलेले प्रथिने, कार्बोहायड्रेट्स आणि फायबर सारखे पोषक पोट भरलेले ठेवण्यास आणि भूक नियंत्रित ठेवण्यास मदत करतात. तसेच द्राक्षांमध्ये असलेले रेसवेराट्रोल अँटीऑक्सिडंट शरीरात फॅटी ऍसिडचे चयापचय करण्यास मदत करते. यामुळे शरीराला ऊर्जा मिळते आणि चयापचय देखील वाढतो. यामुळे कॅलरी जलद बर्न होण्यास मदत होते. ज्यामुळे वजन नियंत्रणात राहते. आणि वजन कमी करण्यास मदत होते.
