लठ्ठपणा ही सध्या खूप मोठी समस्या झाली आहे. बदलत्या जीवन शैलीमुळे शरीरातील कॅलरीज दिवसेंदिवस वाढत चालल्या आहेत.जंक फूडचे आहारातील वाढते प्रमाण, अपुरी झोप, बैठी जीवनशैली यामुळे वाढत्या वजनावर नियंत्रण मिळवणे कठीण झाले आहे.पण कॅलरीज जाळल्या नाहीत तर हे वाढलेले वजन नियंत्रणात येणे अवघड होऊन बसते.
मग जिममध्ये जाणे, वेगवेगळे डाएट प्लॅन घणे,असे उपाय काही कालावधीसाठी लोकं करून बघतात पण कालांतराने त्यातही सातत्य राहत नाही.मग कमी झालेले वजन पुन्हा पूर्वपदावर यायला सुरुवात होते.बऱ्याच वेळा अनेक जण असं म्हणतात कि,व्यायामाला वेळच मिळत नाही,अशी तक्रारही करताना दिसतात. पण काही दैनंदिन कामे केल्यावर तसेच विशिष्ट खेळ खेळल्यास त्याचा कॅलरीज जाळण्यासाठी निश्चितच उपयोग होतो.चला तर मग जाणून घेऊया काय आहेत ही कामे…
लहान मुलांसोबत खेळा : लहान मुलांमध्ये खूप ऊर्जा असते, त्यामुळे लहान मुलांसोबत खेळल्यावर तुम्हीही एनर्जेटीक होता. तुम्ही दिवसातील बराच काळ लहान मुलांसोबत खेळत असाल तर नकळत तुमच्या शरीरावरील चरबी कमी होते आणि तुम्ही बारीक होण्यास मदत होते. दीड तास सलग लहान मुलांशी खेळल्यास तुमच्या १५० कॅलरीज जळू शकतात.
बाथरूम घासा : स्वच्छता करण्यासाठी बरेच कष्ट करावे लागतात, हे आपल्याला माहीत आहे. बाथरूम आपण दररोज वापरतो ते स्वच्छ असणे आवश्यक असते.हेच बाथरूम सर्व बाजूने योग्य पद्धतीने घासल्यास १०० कॅलरीज जळतात. मात्र यासाठी बाथरूमची फरशी आणि सिलींग जवळपास अर्धा तास अतिशय काळजीने साफ करण्याची आवश्यकता असते.
कार किंवा दुचाकी धुणे : कार किंवा दुचाकी धुण्यासाठी बरीच ऊर्जा लागते. यामुळे एका दगडात दोन पक्षी मारले जातात. गाडी स्वच्छ होते आणि गाडी धुण्यामध्ये ऊर्जा खर्ची झाल्याने वजन घटण्यास मदत होते.
टेनिस खेळणे : कोणताही खेळ खेळला की आपला व्यायाम होतो. यामध्ये घाम आल्याने कॅलरीज जळतात. टेनिस हा व्यायामासाठी अतिशय उपयुक्त खेळ असून त्यामुळे मोठ्या प्रमाणात चरबी घटते.
एरोबिक्स : एरोबिक्स हा एक उत्तम व्यायाम प्रकार आहे. तसेच यामुळे तुम्ही फ्रेश होता. हा डान्स दमवणारा असल्याने केवळ १० ते १५ मिनिटे केला तरीही तुमचा भरपूर व्यायाम होऊन कॅलरीज जळायला मदत होते.
