Business Idea : जर तुम्ही कमी गुंतवणुकीमध्ये व्यवसाय करण्याची योजना आखात असाल तर आज आम्ही तुम्हाला एक जबरदस्त व्यवसाय सांगणार आहे. हा व्यवसाय तुम्ही घराच्या छतावर सुरु करू शकता.
या व्यवसायामध्ये नुकसान होण्याची शक्यता फारच कमी आहे. तसेच तुमची दर महिन्याला बंपर कमाई असेल. वास्तविक, घराच्या छतावर टेरेस फार्मिंग, सोलर पॅनल, मोबाईल टॉवर, होर्डिंग, बॅनर असे अनेक व्यवसाय सुरू करता येतात.
म्हणजेच तुम्ही टेरेस भाड्याने घेऊनही चांगली कमाई करू शकता. हे व्यवसाय लहान शहरांपासून मोठ्या शहरांमध्ये सुरू करता येतात.
यासाठी तुम्हाला बिझनेस इंडस्‍ट्री छतासाठी चांगली योजना आणि पैसे देतात. ज्या अंतर्गत ते तुम्हाला मोठी रक्कम देखील देतात. बाजारात अशा अनेक एजन्सी आहेत ज्या तुमच्या छताच्या जागेनुसार व्यवसाय देऊ शकतात.
टेरेस शेती व्यवसाय
सर्वप्रथम टेरेस फार्मिंगबद्दल जाणून घ्या. जर तुम्ही मोठ्या घरात राहत असाल आणि तुमची गच्ची असेल तर तुम्ही तुमच्या टेरेसवर शेती करून सहज पैसे कमवू शकता.
त्यासाठी छतावर पॉलीबॅगमध्ये भाजीपाल्याची रोपे लावावी लागतील. टेरेस गार्डनिंगची संकल्पना जागेवर अवलंबून असते. ठिबक पद्धतीने पाणी देता येते. तुमच्या गच्चीवर चांगला सूर्यप्रकाश पडेल हे लक्षात ठेवा.
सोलर पॅनल बसवून पैसे कमवा
तुम्ही तुमच्या छतावर सोलर प्लांट लावून व्यवसाय करू शकता. यामुळे तुमचे विजेचे बिल तर वाचू शकतेच, शिवाय मोठी कमाईही होऊ शकते. आजकाल सरकारही या व्यवसायाला चालना देत आहे.
मोबाईल टॉवरमधून बंपर कमाई
जर तुमच्या इमारतीचे छत रिकामे असेल तर तुम्ही ते मोबाईल कंपन्यांना भाड्याने देऊ शकता. मोबाईल टॉवर बसवल्यानंतर तुम्हाला कंपनीकडून दर महिन्याला काही रक्कम दिली जाते.
त्यासाठी स्थानिक महापालिकेची परवानगी घ्यावी लागेल. जर तुम्हाला घरी मोबाईल टॉवर बसवायचा असेल तर तुम्ही थेट मोबाईल कंपन्या किंवा टॉवर चालवणाऱ्या कंपन्यांशी संपर्क साधू शकता.
होर्डिंग्ज आणि बॅनरमधून कमाई
जर तुमचे घर एखाद्या प्राइम लोकेशनमध्ये असेल, जे दूरवरून सहज दिसेल किंवा मुख्य रस्त्याला लागून बांधले असेल, तर तुम्ही तुमच्या छतावर बॅनर किंवा होर्डिंग्ज लावून चांगले पैसे कमवू शकता.
