Business Idea : जर तुम्ही स्वतःचा नवीन व्यवसाय सुरु करण्याची योजना आखत असाल तर ही बातमी खास तुमच्यासाठी आहे. कारण सध्या देशात मोठ्या प्रमाणात लोक तंत्रज्ञानाचा वापर करत आहेत.
अशा वेळी तंत्रज्ञानाच्या या युगात सर्व काही स्मार्ट होत आहे. अशा वेळी आम्ही तुम्हाला लाखो रुपये कमवून देणाऱ्या व्यवसायाबद्दल सांगणार आहे. हा नवीन युगाचा व्यवसाय आहे.
एखाद्या कंपनीची डीलरशिप किंवा डिस्ट्रीब्युटरशिप घेऊन तुम्ही व्यवसायाच्या संधीमध्ये तुमचा हात आजमावू शकता. अशा व्यवसायाचे वैशिष्ट्य म्हणजे याद्वारे तुम्ही कमी पैशात चांगले पैसे कमवू शकता. स्वत:चा व्यवसाय करण्यासोबतच लोकांना रोजगारही उपलब्ध करून देऊ शकता.
कंपनीचे बिझनेस मॉड्यूल जाणून घ्या
पोंगोहोम घराला स्मार्ट घर बनवते. कंपनी घराच्या स्विच बोर्डमध्ये एक उपकरण बसवते. याद्वारे तुम्ही तुमच्या मोबाईलवरून रूमचे दिवे चालू किंवा बंद करू शकता. तसेच, मोबाईलद्वारे तुम्ही खोलीतील पंख्याचा वेग कमी किंवा वेगवान करू शकता. डीलरशिप घेणाऱ्या व्यक्तीला ही उत्पादने विकावी लागतात.
डीलरशिपमध्ये गुंतवणूक करा
कंपनी त्यांच्यासोबत व्यवसाय करण्याची चांगली संधी देत आहे. कंपनी 60,000 रुपयांची डीलरशिप आणि 5.50 लाख रुपयांची डिस्ट्रीब्युटरशिप देत आहे. कंपनीचे संस्थापक महादेव कुऱ्हाडे यांच्या म्हणण्यानुसार, आम्ही कोणतेही टार्गेट देत नाही किंवा कोणतेही बंधन घालत नाही.
सध्या कंपनीचे देशभरात 80 पेक्षा जास्त डीलरशिप आहेत आणि आसाम, महाराष्ट्र, हिमाचल प्रदेश, उत्तर प्रदेश, मध्य प्रदेश, कर्नाटकमध्ये 12000 हून अधिक ग्राहक आहेत. जर तुम्हाला त्याच्या डीलरशिपसाठी अर्ज करायचा असेल, तर तुम्ही कंपनीच्या वेबसाइटला भेट देऊन भागीदार होण्यासाठी अर्ज करू शकता.
कंपनीची उत्पादने जाणून घ्या
कंपनीने तीन प्रकारची उत्पादने बाजारात आणली आहेत. होम ऑटोमेशन, अॅग्रीकल्चर ऑटोमेशन आणि सेन्सर्स. होम ऑटोमेशन उत्पादनांद्वारे तुम्ही तुमच्या घराला स्मार्ट होम बनवू शकता.
तर दुसरीकडे अॅग्रीकल्चर ऑटोमेशनच्या माध्यमातून शेतकरी घरी बसून मोबाईलवरून मोटार चालू करून शेतात पाण्याचे सिंचन सुरू करू शकतात. एलईडी सोल्युशन्समध्ये ट्यूब लाइट्स, सीलिंग पॅनेल लाइट्स, डे नाईट सेन्सर लाइट्स, स्मार्ट ट्यूब लाइट्सचे पर्याय आहेत.
कसे कमवायचे?
बेडरूम हॉल किचन असलेले घर स्मार्ट घर बनवण्यासाठी 10,000 रुपयांपर्यंत खर्च येतो. दुसरीकडे, जर तुम्हाला फक्त एका खोलीत लाईट आणि पंखा नियंत्रित करायचा असेल तर 3,200 रुपयांपर्यंत खर्च येईल. जर तुम्ही एका महिन्यात असे 10 ते 15 क्लायंट बनवले तर तुम्ही 30 ते 40 हजार रुपये सहज कमवू शकता.
