Electric Scooter VS Petrol Scooter : जर तुम्हीही वाढत्या पेट्रोल दरामुळे इलेक्ट्रिक स्कूटर खरेदी करत असाल तर थोडं थांबा. कारण इलेक्ट्रिक स्कूटर तुम्हाला किती परवडेबल आहे किंवा याचे फायदे, तोटे हे तुम्हाला माहित असणे गरजेचे आहे.
पेट्रोल स्कूटरच्या मागणीत कोणतीही मोठी घट झालेली नसली तरीही कंपन्या या स्कूटर्सचे नवीन मॉडेल लॉन्च करत आहेत. लोकही त्यांना पसंती देत आहेत. आता अशा परिस्थितीत इलेक्ट्रिक स्कूटर अधिक योग्य की पेट्रोल हा संभ्रम कायम आहे. यामुळे तुम्हाला पडलेल्या या प्रश्नाचे स्पष्टीकरण आम्ही देणार आहे.
किती किमी दररोज ड्राइव्ह
इलेक्ट्रिक स्कूटर घेण्यापूर्वी, हे नेहमी लक्षात ठेवले पाहिजे की तुमचा दररोजचा प्रवास किती किमी आहे. जर तुम्ही 70 किमी पेक्षा जास्त प्रवास करत असाल तर तुमच्यासाठी पेट्रोल स्कूटर हा एक चांगला पर्याय असेल.
जवळपासचे चार्जिंग पॉइंट्स
तुमच्या परिसरात किती चार्जिंग स्टेशन्स आहेत हे देखील EV खरेदी करण्यापूर्वी लक्षात ठेवावे. तुमच्या परिसरात चार्जिंग पॉइंट नसल्यास इलेक्ट्रिक स्कूटर खरेदी करणे तुमच्यासाठी तोट्याचे ठरू शकते.
हवामान परिस्थिती
कोणत्याही इलेक्ट्रिक स्कूटरच्या बॅटरीचा त्या भागातील हवामानावर मोठा प्रभाव पडतो. जर तुम्ही अत्यंत थंड किंवा अत्यंत उष्ण हवामानात राहत असाल तर इलेक्ट्रिक स्कूटर तुम्हाला त्रास देऊ शकतात.
किती जण प्रवास करू शकतात
इलेक्ट्रिक स्कूटर घेण्यापूर्वी, एकावेळी तुमच्या स्कूटरवर किती लोक प्रवास करतील हे देखील पहा. जरी ई-स्कूटर्स दोन आसनी आहेत, परंतु जेव्हा दोन लोक बसतात तेव्हा त्यांची श्रेणी बरीच कमी होते.
