Gold Price Today : जर तुम्ही सोने किंवा चांदी खरेदी करणार असाल तर ही बातमी खास तुमच्यासाठी आहे. कारण गेल्या काही महिन्यांपासून सोन्या-चांदीच्या दरात चढ-उतार होत आहेत.
फेब्रुवारीच्या पहिल्या आठवड्यात सोन्याने 58,500 रुपयांची तर चांदीने 71,000 रुपयांची विक्रमी पातळी गाठली. मात्र यानंतर सोन्याचा भाव 3000 रुपयांनी तर चांदीचा भाव 8000 रुपयांनी कमी झाला होता.
65,000 पर्यंत जाण्याचा अंदाज
या दिवाळीपर्यंत सोन्या-चांदीच्या दरात कमालीची वाढ होईल, असा तज्ज्ञांचा अंदाज आहे. सोन्याचा भाव 65,000 रुपये आणि चांदीचा भाव 80,000 रुपये प्रति किलोपर्यंत जाण्याची शक्यता तज्ज्ञांनी वर्तवली आहे.
गेल्या काही दिवसांत 58,500 रुपयांची उच्चांकी पातळी गाठलेले सोने पुन्हा 58,000 रुपयांच्या आसपास फिरत आहे. चांदीच्या दरातही तेजी आली असून तो 67 हजारांच्या जवळ पोहोचला आहे.
MCX वर घसरण
मल्टि-कमोडिटी एक्स्चेंज (MCX) वर गुरुवारी सोने आणि चांदी या दोन्ही भावात घसरण दिसून आली. गेल्या काही दिवसांत 58,000 रुपयांच्या वर गेलेले सोने गुरुवारी 361 रुपयांच्या घसरणीसह 57975 रुपये प्रति 10 ग्रॅमवर ट्रेंड करत आहे.
गेल्या काही दिवसांत चांदीने 71,000 चा टप्पा पार केला होता. गुरुवारी तो 598 रुपयांनी घसरून 66701 रुपयांवर व्यवहार करत होता. याआधी बुधवारी सोन्याचा भाव 58336 रुपये आणि चांदीचा भाव 67299 रुपये प्रति किलोवर बंद झाला होता.
सराफा बाजारात चांदीची घसरण, सोने वधारले
गुरुवारी सराफा बाजारात सोने आणि चांदीच्या दरांमध्ये संमिश्र कल दिसून आला. सोन्यामध्ये वाढ आणि चांदीमध्ये घसरण झाली. इंडिया बुलियन्स असोसिएशनने जाहीर केलेल्या किमतीनुसार, 24 कॅरेट सोन्याचा भाव 223 रुपयांनी वाढून 58115 रुपये प्रति 10 ग्रॅम झाला आहे. त्याचवेळी चांदी 361 रुपयांनी घसरून 66500 रुपये किलोवर पोहोचली आहे.
