Heat Wave In Maharashtra : राज्यात रविवारी मुंबईत आयोजित महाराष्ट्र भूषण सन्मान कार्यक्रमादरम्यान 11 जणांचा मृत्यू झाला आहे यामुळे सध्या राज्यात अनेक चर्चांना उधाण आला आहे. यातच आता हवामान विभागाने पुन्हा एकदा महाराष्ट्रासह देशातील काही राज्यात उष्णतेच्या लाटेचा इशारा दिला आहे.
एप्रिल महिना अर्धा संपला आहे आणि त्यामुळे मुंबईसारख्या शहरात उष्णतेच्या लाटेने चिंता वाढवली आहे. दरम्यान, देशातील इतर राज्यांमध्येही उष्मा झपाट्याने वाढणार असल्याचा अंदाज हवामान खात्याने व्यक्त केला आहे. पंजाब, हरियाणा, चंदीगड, दिल्ली, बिहार, पश्चिम बंगाल, उत्तर प्रदेश, मध्य प्रदेश या राज्यांमध्ये येत्या काही दिवसांत तापमानात झपाट्याने वाढ होईल.
हवामान खात्याचे म्हणणे आहे की पुढील काही दिवस खूप उष्ण असू शकतात. दिल्ली व्यतिरिक्त उत्तर भारतातील बहुतेक राज्यांसह उत्तर प्रदेश, हरियाणा, पंजाब, बिहार, राजस्थान आणि मध्य प्रदेशात उष्णतेची लाट असेल. मध्य प्रदेश ते पंजाबपर्यंत बहुतांश भागात तापमान 40 ते 42 अंशांच्या दरम्यान राहू शकते. बहुतांश भागात कमाल तापमान 3 ते 5 अंश सेल्सिअसने वाढू शकते. एवढेच नाही तर बंगालमध्येही गेल्या 4 दिवसांपासून उष्णतेच्या लाटेचा कहर सुरू आहे. येथे हवामान खात्याने ऑरेंज अलर्टही जारी केला आहे.
दिल्लीत सध्या उष्णतेची लाट नाही, मात्र तापमान सामान्यपेक्षा 4 अंश सेल्सिअसने जास्त आहे. 20 एप्रिलपर्यंत तापमान 40 ते 42 अंशांच्या दरम्यान राहील आणि त्यानंतर उष्णतेची लाटही निर्माण होऊ शकते. मात्र यादरम्यान दिलासा देणारी बातमी अशी आहे की या आठवड्याच्या अखेरीस थोडा पाऊस पडण्याची शक्यता आहे.
हवामान खात्याच्या म्हणण्यानुसार बंगालमध्ये गेल्या 5 दिवसांपासून उष्णतेची लाट आहे. याशिवाय आंध्र प्रदेशात तीन दिवस आणि बिहारमध्ये दोन दिवसांपासून अशीच परिस्थिती आहे. उत्तर प्रदेशातील काही भागातही तापमानात मोठी वाढ झाली आहे.
महाराष्ट्रातील 10 जिल्ह्यांमध्ये तापमान 40 अंश सेल्सिअसच्या पुढे
हवामान खात्याच्या म्हणण्यानुसार महाराष्ट्रात तीव्र उष्मा जाणवत आहे. एप्रिलमध्ये गेल्या काही दिवसांपासून महाराष्ट्रातील किमान 10 जिल्ह्यांमध्ये 40 अंश सेल्सिअसपेक्षा जास्त तापमानाची नोंद झाली आहे. चंद्रपुरात कमाल तापमान 43.2 अंश सेल्सिअसवर पोहोचले. मात्र, दक्षिण मुंबई इतर भागांच्या तुलनेत कमी उष्ण आहे. येथील तापमान 32 अंश सेल्सिअसच्या आसपास राहिले आहे.
हे पण वाचा :- Chaturgrahi Yog In Aries: 22 एप्रिलपासून तयार होणार 4 ग्रहांची शुभ युती, ‘या’ राशींना येणार ‘अच्छे दिन’ ! होणार अचानक धनलाभ
