Pune Railway News : मार्च महिना आता संपण्यात जमा आहे, लवकरच एप्रिल महिन्याला सुरुवात होणार आहे आणि त्याबरोबरच उन्हाळी सुट्ट्या देखील स्टार्ट होतील. असे असतानाच मात्र पुण्यातील रेल्वे प्रवाशांसाठी एक चिंताजनक बातमी समोर आली आहे. पुढल्या महिन्यात अर्थातच एप्रिलमध्ये पुण्याहून कोलकाता कडे जाणाऱ्या रेल्वे गाड्या काही काळ बंद राहणार आहेत.
12 एप्रिल पासून काही गाड्या रद्द करण्यात आल्या आहेत. यामुळे पुणे जिल्ह्यातील रेल्वे प्रवाशांना अडचणींचा सामना करावा लागणार आहे. दरम्यान आता आपण 12 एप्रिल पासून पुण्यातून धावणाऱ्या कोणत्या एक्सप्रेस गाड्या रद्द होणार याबाबत माहिती पाहणार आहोत.
या गाड्या रद्द केल्या जाणार
मिळालेल्या माहितीनुसार विलासपूर विभागातील कोटारलिया स्टेशनवर चौथ्या मार्गाचे जोडणी काम सुरू झाल्यामुळे पुणे विभागातील गाड्या रद्द करण्यात आल्या आहेत. यामुळे पुणे ते कोलकत्ता दरम्यान प्रवास करणाऱ्या प्रवाशांना अडचणींचा सामना करावा लागू शकतो.
या कारणांमुळे पुणे ते कोलकाता आणि पुणे ते संत्रागाची या रेल्वे एकूण 13 दिवस बंद राहणार आहे. तसेच पुणे ते हावडा दरम्यान धावणारी दुरांतो एक्सप्रेस सुद्धा 12 एप्रिल, 14 एप्रिल, 19 एप्रिल आणि 21 एप्रिल रोजी रद्द करण्यात आली आहे. हावडा ते पुणे दरम्यान धावणारी दुरांतो एक्सप्रेस 10 एप्रिल, 12 एप्रिल, 17 एप्रिल आणि 19 एप्रिल रोजी रद्द करण्यात आली आहे.
याशिवाय, पुणे – हावडा आझाद हिंद एक्सप्रेस सुद्धा रद्द करण्याचा निर्णय घेण्यात आला आहे, ही गाडी 11 एप्रिल ते 24 एप्रिल पर्यंत रद्द करण्यात आली असल्याची माहिती रेल्वे कडून देण्यात आली आहे. एवढेच नाही तर पुणे – संत्रागाची एक्सप्रेस ट्रेन सुद्धा रद्द करण्याचा निर्णय घेण्यात आला आहे. ही गाडी 14 एप्रिल आणि 21 एप्रिल 2025 रोजी रद्द करण्यात आली असल्याची माहिती सुद्धा रेल्वे विभागाने दिली आहे. यामुळे या बदललेल्या वेळापत्रकानुसारच रेल्वे प्रवाशांना आपल्या प्रवासाचे नियोजन करावे लागणार आहे नाहीतर त्यांना नाहक अडचणीचा सामना करावा लागणार आहे.
पुण्यातील रेल्वे प्रवाशांसाठी एक कामाची बातमी समोर येत आहे. पुणे रेल्वे स्थानकावरून धावणाऱ्या काही गाड्या एप्रिल महिन्यात रद्द करण्यात आल्या आहेत. त्यामुळे पुण्यातील रेल्वे प्रवाशांना पुढील महिन्यात काही काळ संकटाचा सामना करावा लागणार आहे.
