Maruti Premium Hatchback : जर तुम्ही स्वस्तात मस्त कार खरेदी करण्याच्या विचारात असाल तर ही बातमी खास तुमच्यासाठी आहे. कारण मारुती सुझुकीने आपली प्रीमियम हॅचबॅक इग्निस अपडेट केली आहे.
कंपनीने आपले इंजिन रिअल ड्रायव्हिंग एमिशन (आरडीई) नुसार तयार केले आहे, त्यासोबत नवीन सुरक्षा वैशिष्ट्ये देखील जोडण्यात आली आहेत. त्यामुळे आता या कारच्या किमतीतही वाढ झाली आहे.
कंपनीने सांगितले की, आता इग्निसच्या सर्व प्रकारांमध्ये हिल-होल्ड असिस्ट फीचर दिले जाईल. याशिवाय, ते E20 इंधनावर (20% इथेनॉल) चालेल. मारुती सुझुकीने इग्निसच्या किंमतीत 27,000 रुपयांपर्यंत वाढ केली आहे. आता इग्निसची किंमत 5.55 लाख रुपयांपासून (एक्स-शोरूम) सुरू होते.
ही फीचर्स आहेत
कंपनीने म्हटले आहे की त्यांनी मारुती सुझुकी इग्निसमध्ये हिल होल्ड असिस्ट आणि इलेक्ट्रॉनिक स्टॅबिलिटी प्रोग्राम (ESP) सारखी सुरक्षा वैशिष्ट्ये सर्व प्रकारांमध्ये जोडली आहेत. मारुती इग्निसमध्ये मुलांसाठी ABS आणि ISOFIX सारखी सुरक्षा वैशिष्ट्ये देखील आहेत.
मारुती सुझुकी इग्निस 1.2-लिटर 4-सिलेंडर VVT पेट्रोल इंजिनसह येते, जे आता BS6 फेज 2 अनुरूप आहे. इंजिन 81 hp ची कमाल पॉवर आणि 113 Nm चा पीक टॉर्क निर्माण करण्यास सक्षम आहे. यात 5-स्पीड मॅन्युअल आणि 4-स्पीड ऑटो गियर शिफ्ट ट्रान्समिशनचे पर्याय आहेत.
वैशिष्ट्ये जाणून घ्या
मारुती सुझुकीची ही प्रीमियम हॅचबॅक बॉक्सी डिझाइनसह येते. त्याची लांबी 3,700 मिमी, रुंदी 1,690 मिमी आणि उंची 1,595 मिमी आहे. यात मोठ्या एलईडी हेडलाइट्स आणि डीआरएलसह क्रोम ग्रिल आहे.
यात पुढील आणि मागील बाजूस 15-इंच अलॉय व्हील्स आणि स्किड प्लेट्स आहेत. मारुती इग्निस सात वेगवेगळ्या प्रकारांमध्ये येते. यात ७-इंचाची टचस्क्रीन स्मार्टप्ले स्टुडिओ इन्फोटेनमेंट स्क्रीन, अॅपल कारप्ले आणि अँड्रॉइड ऑटो, ड्रायव्हर डिस्प्ले म्हणून टीएफटी स्क्रीन, स्टीयरिंग माउंटेड कंट्रोल्स, चार स्पीकर यांसारखी वैशिष्ट्ये आहेत.
