Patanjali Foods : जर तुम्ही पतंजलीचे उत्पादने वापरत असाल तर तुमच्यासाठी आनंदाची बातमी आहे. कारण आयुर्वेदिक उत्पादनात मोठे नाव असलेली ही कंपनी बाजारात अनेक उत्पादने आणणार आहे.
मिळालेल्या माहितीनुसार पतंजली फूड्स पुढील दोन तिमाहींमध्ये कुकीज, व्हिटॅमिन गमी आणि बाजरी आधारित खाद्यपदार्थ यांसारखी उच्च प्रीमियम उत्पादने बाजारात आणणार आहे. पतंजली फूड्सचे मुख्य कार्यकारी संजीव अस्थाना यांनी एका मुलाखतीत ही माहिती दिली आहे.
बाबा रामदेव यांची कंपनी पतंजली फूड्स सध्या बिस्किटे, खाद्यतेल, सोया चंक्स आणि मध विकते. कंपनी लवकरच अधिक मार्जिनसह अधिक प्रीमियम उत्पादने लॉन्च करणार आहे.
पतंजली फूड्सचे मुख्य कार्यकारी संजीव अस्थाना यांनी एका मुलाखतीत ही माहिती दिली आहे. पतंजली फूड्स पुढील दोन तिमाहींमध्ये कुकीज, व्हिटॅमिन गमी आणि बाजरी आधारित खाद्यपदार्थ यांसारखी उच्च प्रीमियम उत्पादने बाजारात आणणार आहे.
कंपनी फेब्रुवारी-मार्चमध्ये काही उत्पादने लाँच करणार
पतंजली फूड्सचे सीईओ संजीव अस्थाना म्हणाले, “काही लाँच फेब्रुवारी-मार्चमध्ये होतील. त्याच वेळी, पुढील तिमाहीत काही लॉन्च होतील. प्रीमियम श्रेणीत प्रवेश करण्याचा आमचा प्रयत्न आहे, त्याद्वारे आमचे मार्जिन सुधारणे आणि ग्राहकांना निवडण्यासाठी उत्पादनांची विस्तृत श्रेणी देणे.
ते पुढे म्हणाले की, तुम्ही प्रीमियम श्रेणीत नसल्यास, बिस्किटे कमी मार्जिन देतात. तसेच, बिस्किट मार्केटच्या खालच्या भागात किमतीचा खूप दबाव आहे. एफएमसीजी कंपन्या गेल्या दोन वर्षांपासून कच्च्या मालाच्या चढ्या किमतींशी झुंज देत आहेत.
पतंजली फूड्सचे शेअर्सवर नजर टाका
या वर्षी पतंजली फूड्सचे शेअर्स आतापर्यंत 20% घसरले आहेत. बॉम्बे स्टॉक एक्सचेंज (BSE) येथे 2 जानेवारी 2023 रोजी पतंजली फूड्सचे शेअर्स 1193.40 रुपयांच्या पातळीवर होते.
बीएसई येथे 10 फेब्रुवारी 2023 रोजी कंपनीचे शेअर्स रु.955 वर बंद झाले आहेत. पतंजली फूड्सच्या शेअर्समध्ये गेल्या 6 महिन्यांत सुमारे 15% घसरण झाली आहे. कंपनीच्या शेअर्सची 52 आठवड्यांची उच्च पातळी 1495 रुपये आहे. त्याच वेळी, कंपनीच्या समभागांची 52 आठवड्यांची नीचांकी पातळी 865.85 रुपये आहे.
