लखनौ: पाच राज्यातील निवडणुकीनंतर उत्तर प्रदेशमध्ये (Uttar Pradesh) मुख्यमंत्री योगी आदित्यनाथ (Yogi Adityanath) यांच्या मार्गदर्शनाखाली भाजपला (Bjp) भरगोस यश मिळाले आहे. विजयानंतर योगी यांचा बलाढ्य असा शपत विधी सोहळा पार पडला आहे.
सध्या योगी राज्यातील ठिकठिकाणी दौरे करत आहेत. एका दौऱ्यादरम्यान मुख्यमंत्री योगी आदित्यनाथ यांनी सामान्य वाहतुकीत अडकलेल्या रुग्णवाहिकेला (ambulance) रस्ता दिला, जी लखनौमध्ये (Lucknow) त्यांच्या ताफ्याच्या सुरक्षित प्रस्थानासाठी थांबवण्यात आली होती, त्यानंतर योगी यांनी त्याचा ताफा थांबवला आहे.
वाहतूक बंद करण्यात आली
पोलिस उपायुक्त (वाहतूक) सुभाष चंद्र शाक्य (Subhash Chandra Shakya) यांनी सांगितले की, मुख्यमंत्र्यांचा ताफा हजरतगंजहून बंदरिया बागकडे रवाना होणार होता. त्यासाठी त्या मार्गावरील वाहतूक सामान्य प्रक्रियेनुसार बंद करण्यात आल्याचे त्यांनी सांगितले.
स्वत: थांबविला काफिला
शाक्य यांच्या म्हणण्यानुसार, योगी यांनी राजभवनाजवळ एक रुग्णवाहिका ट्रॅफिकमध्ये अडकलेली पाहिली तेव्हा त्यांनी सुरक्षा कर्मचाऱ्यांना त्यांच्या ताफ्याला रस्त्याच्या एका बाजूला थांबवून रुग्णवाहिकेला रस्ता देण्याची सूचना केली. त्यामुळे मुख्यमंत्र्यांच्या या उपक्रमाचे सर्वसामान्यांकडून कौतुक होत असल्याचे ते म्हणाले आहेत.
मानवतेचा परिचय
लखनौच्या मादियानव भागातील भास्कर सिंह, वाहतूक थांबल्यामुळे तिथे उभे राहिले, म्हणाले की मुख्यमंत्री योगी आदित्यनाथ (सीएम योगी) यांनी मानवतेचा परिचय दिला आणि रुग्णवाहिका जाऊ द्या असे सांगितले.
