Upcoming 7-Seater MPV : जर तुम्ही कमी बजेटमध्ये 7-सीटर कार खरेदी करण्याच्या विचारात असाल तर तुमच्यासाठी एक आनंदाची बातमी आहे. कारण Nissan India लवकरच बाजारात एक जबरदस्त कार लॉन्च करणार आहे.
ही एक 7-Seater कार असून ही कार Maruti Ertiga शी स्पर्धा करेल. नवीन Nissan 7-सीटर MPV चे अधिक तपशील अद्याप समोर आलेले नाहीत. तथापि, अशी अपेक्षा केली जाऊ शकते की ती आपली पॉवरट्रेन आणि वैशिष्ट्ये रेनॉल्ट ट्रायबरसारखी असतील.
तसेच ही कार 1.0L, 3-सिलेंडर, नैसर्गिकरित्या एस्पिरेटेड पेट्रोल इंजिनसह येऊ शकते, जे 71bhp पॉवर आणि 96Nm टॉर्क जनरेट करते. कार निर्माता टर्बोचार्ज्ड पेट्रोल इंजिनसह नवीन MPV देखील सादर करू शकते. त्याचसोबत मॅन्युअल आणि एएमटी गिअरबॉक्स दोन्ही देऊ शकतात. त्याची सुरुवातीची किंमत मारुती एर्टिगा पेक्षा कमी असू शकते.
डिझाइनच्या बाबतीत, नवीन निसान 7-सीटर एमपीव्ही रेनॉल्ट टायबरपेक्षा वेगळी दिसेल. त्याचे काही डिझाइन घटक निसान मॅग्नाइटमधून घेतले जाऊ शकतात. तथापि, परिमाणांच्या बाबतीत ते ट्रायबरसारखेच असेल.
यात वायरलेस अँड्रॉइड ऑटो आणि ऍपल कारप्ले कनेक्टिव्हिटी, कीलेस एंट्री, रिमूव्हेबल थर्ड रो, पुश-बटण स्टार्ट, एलईडी लाइटिंग सेटअप, रिक्लाइन आणि एसी व्हेंट सोबत 8-इंच टचस्क्रीन इन्फोटेनमेंट सिस्टम मिळेल. अशी वैशिष्ट्ये या कारमध्ये उपलब्ध असतील.
दरम्यान, सध्या ट्रायबर ही भारतातील सर्वात स्वस्त MPV आहे ज्याची एक्स-शोरूम किंमत 6.33 लाखांपासून सुरू होते आणि असे मानले जाते की निसानच्या नवीन मॉडेलची किंमत थोडी कमी असू शकते.
ट्रायबरला दोन पेट्रोल इंजिन पर्याय आहेत. त्याच्या एका व्हेरियंटमध्ये 1 लिटर क्षमतेचे नॅचरल एस्पिरेटेड इंजिन आहे, जे 72PS पॉवर आणि 96Nm टॉर्क जनरेट करते.
तर दुसऱ्या व्हेरियंटमध्ये 1-लिटर टर्बो पेट्रोल इंजिन देण्यात आले आहे, जे अधिक शक्तिशाली आहे. हे इंजिन 100PS पॉवर आणि 160Nm टॉर्क जनरेट करते. ही दोन्ही इंजिने 5-स्पीड मॅन्युअल आणि CVT ऑटोमॅटिक गिअरबॉक्सशी जुळलेली आहेत.
या कारची सर्वात खास गोष्ट म्हणजे याला तिसर्‍या रांगेत डिटेचेबल सीट्स देण्यात आल्या आहेत, ज्या काढून टाकल्यानंतर कारच्या मागील भागाला 625 लीटर सामानाची मोठी जागा मिळते.
